Roma 4:20 - Surat Ralan na'a Vaidida

²⁰ Naꞌuk Abraham norang urun Ubu Ni tnorung a, ma ia wol ralan raruan, naꞌuk ni inorang ntafal ma nangrebat ovu nfadawang aꞌuk Ubu.

Roma 4:20 Referans Kwoze

Lukas 1:45

Lolin urun verin oa, tevek morang ne, afa ovi Duilaꞌa nfalak verin oa yai veka rvotuk.”

2 Korintus 12:10

Ba inak ovu utorung naꞌa afa ovi wol ot-nala ra, ovu naꞌa afa ovi tamata ra rfalak sian yaꞌa, afa ovi rotu susa yaꞌa, afa ovi rwi-rwa yaꞌa, ovu vali ning susa ra tevek ukarya verin Kristus. Naꞌut i wol ungrebat, na Kristus nfangrebat yaꞌa ovu Ni ngrebat a.

1 Korintus 16:13

Mia musti msyiꞌik wabira ma lolin! Bira dardirin a naꞌa bira inorang a musti nangrebat! Deka byobar naꞌa bira inorang a, naꞌuk myorang urun ovu ngrebat i nanaꞌa ralabira ra.

2 Timotius 2:1

Baba Timotius, oa wean yanak lalean oa. Fara mu inorang nangrebat, tevek Kristus Yesus nala roak Ni rala lolin verin ita.

Lukas 1:18

Nata Zakharia nfalak verin Ubu Ni sansinir yai ne, “Wean inba ma ukaꞌa ne, afa yai veka nvotuk? Yaꞌa itrana roak yaꞌa ovu vali awang a itvata roak ia.”

Matius 9:8

Ti ma tamata rivun avyai rsiꞌik afa i Yesus notu yai, na rbobar ma raraning Ubu, tevek nala roak ngrebat i wean inyai verin tamata ra.

Efesus 6:10

Terang a valing averi, mane ufakbosal roak ning snurak a, ba ufalak verin mia ne, fara bira vavaꞌat ra isa ovu Ubu lalawatan, boma Ni ngrebat i dawan ilaꞌa, nfangrebat ralabira ra.