Roma 2:20 - Surat Ralan na'a Vaidida

²⁰ Fyikir ne, mkyaꞌa munuk roak afa ovi Musa ntulis naꞌa ni inukun ra, ma bira munuk kakaꞌa ovu afa ovi kena ra munuk lahir. Ba tali afa avyai, na minovak ne, bisma myair tamata ovi rboda ra, ovu myeluk tuan guru verin tamata ovi wol raftibang obin.

Roma 2:20 Referans Kwoze

2 Timotius 3:5

Ira ivaꞌur ma rti rira rahan falurut a, ma rotu ma felarira ra wean tamata ovi rorang Ubu, naꞌuk rira vavaꞌat ra rfaturu ne, wol rorang Ia. Fwaroa tenam a tali tamata avyai.

Titus 1:16

Ira rfalak ne, rkaꞌa Ubu, naꞌuk afa ovi rotu ra wol kena ovu rira vaivatul ra. Ira rira vavaꞌat sian ma wol rorang lahir Ubu, ovu wol rot-nala afa ovi lolin ra.

2 Timotius 1:13

Timotius, wean i mair tamata ra, na morang ma lolin afa ovi air roak verin oa. Mungnanang vali ma fwakloꞌi aꞌuk mu vavaꞌat verin Kristus Yesus, ovu mlobang Ia ovu vali tamata ra.

1 Korintus 3:1

Terang a valing averi! Naꞌut i itmunuk ana, wol ungrihi nala verin mia wean tamata ovi Ubu Ni Roh nleal ralarira ra. Naꞌuk ungrihi watan verin mia wean tamata ovi rira ininan sian ra rtali tenarira ra ma rorang afa avyai, tevek mia weabira kasikoꞌu yanat ra ma bira inorang a wol nabwaꞌar obin naꞌa Kristus.

Roma 6:17

Ita tfalak fara weninyai verin Ubu, tevek lan ana, mia myeluk tamata sansinir verin salasilan a. Naꞌuk fiang ini ralabira urun ma myot-orang afa kena ovi rair roak verin mia.

1 Petrus 2:2

Mia musti mdyava lalawatan Ubu Ni vaivatul ra ma fyadoku naꞌa ralabira ra, wean kasikoꞌu i beti rarali ia ma ndava lalawatan susu vahan. Myotu wean inyai, boma bira inorang a ntafal ma nangrebat, ti naran amar i Yesus Kristus veka nma lanit ivavan a ma nsikat mia tali bira salasilan ra, ma bira vavaꞌat kakiwal.

Ibrani 5:13

Iki watan ni inorang wol nangrebat obin, na ia wean kasikoꞌu yanat obin ma nenu susu lalawatan. Naꞌa ni vavaꞌat a ni inorang wol nmela, ovu wol nkaꞌa ma dawan obin ne, inba kena te inba sala.

Matius 11:25

Nata Yesus naflurut ma nfalak ne, “Duilaꞌa, Yamang Oa! Oa fwareta lanit ratan ovu lanit ivavan a! Ufalak fara weninyai verin Oa, tevek wol fwalyawang munuk afa avyai verin tamata ovi rira kakaꞌa dawan a, ovu tamata ovi rbitar ra. Naꞌuk Oa fwalyawang verin tamata ovi kaꞌi rfikir ne, ira wearira kasikoꞌu ra.

Roma 2:19

Mia myorang urun ne, mia ini tamata ovi fyabana tamata kibu, ovu myeluk lyawan verin tamata ovi rnaꞌa dedan ralan.

Roma 3:31

Inyai wol nfaturu ne, torang roak Yesus Kristus, ba tvatuk Musa ni inukun ra, tevek dida inorang a notu ma talang inukun avyai.

Yakobus 3:1

Terang a valing averi, era verin mia ma deka rivun daꞌin mia myeluk tamata ovi rair Ubu Ni vaivatul ra verin tamata ra, tevek tkaꞌa ne, Ia veka nfaleka inukun verin tamata avyai nlia tali tamata ovi wol rsiair.