Roma 10:20 - Surat Ralan na'a Vaidida

²⁰ Yesaya nabrahi vali ma ntulis afa ovi Ubu nfalak ne, “Tamata ovi wol rdava Yaꞌa, rtuan roak Yaꞌa, ovu ufavotuk roak tenang a verin tamata ovi wol rorat Yaꞌa.”

Roma 10:20 Referans Kwoze

Roma 9:30

Ba wean inyai, na ita veka tfalak afaka naꞌa vaivatul ovi beti ufamalik yai? Tamata ovi wol Yahudi ira wol rkiwal ma rdava roak ma rira vavaꞌat ra rmalola, naꞌuk boku tali ira rira roak vavaꞌat yai. Ubu notu ma rira vavaꞌat ra rmalola, tevek rorang Yesus Kristus.

Lukas 14:23

Snoba duan yai nfalak ne, ‘Muti lahir lingaꞌan dawan ovu lingaꞌan koꞌu ovi rnaꞌa kota murin a ma mkiwal tamata ra ma rma, boma ning rahan a nngora.

Matius 20:16

Nata Yesus nfalyawang vaivatul kamkuma yai ihin a verin Ni tamata ra ne, “Wean vali inyai verin tamata ovi fiang ini rban-muri, ira veka rban-ulu. Tamata ovi fiang ini rban-ulu, ira veka rban-muri watan.”

1 Yohanes 4:19

Ita tlobang tamata ra, tevek Ubu nlobang lan roak ita.

Roma 9:31

Tamata Israel ra wol wearira inyai. Ira rkiwal ma rdava lalawatan inukun i bis notu ma rira vavaꞌat ra rmalola, naꞌuk wol rdav-nala vavaꞌat yai.

Roma 10:3

Ira wol rfan-aran i wean inba ma Ubu notu ma tamata rira vavaꞌat ra rmalola. Ba ira kaꞌi rdava watan lingaꞌan ma rira vavaꞌat ra rmalola. Ira wol rorang lingaꞌan i Ubu notu ma tamata rira vavaꞌat ra rmalola.