Matius 28:5 - Surat Ralan na'a Vaidida

⁵ Naꞌuk sansinir yai nfalak verin vata avyai ne, “Deka byobar, tevek ukaꞌa roak ne, mya ma mdyava Yesus i rbaku roak Ia naꞌa aa walwalur a.

Matius 28:5 Referans Kwoze

Ibrani 1:14

Ba ita tanovak aka naꞌa Ubu Ni sansinir ovi rnaꞌa lanit ratan a? Sansinir avyai, roh ovi Ubu nsinir roak ira ma rlobang tamata ovi Ia nsikat roak ira tali rira salasilan ra, ma rira vavaꞌat kakiwal.

Lukas 24:5

Ba vata avyai rbobar urun i lahir ma rsangatur nulu ira ma waharira rsuta rkena lanun. Naꞌuk tamata irua yai rfalak verin ira ne, “Notu afakinimi mdyava tamata i nvaꞌat naꞌa tamata matmatan warira?

Lukas 1:30

Ubu Ni sansinir yai nfalak vali ne, “Maria deka bwobar, tevek Ubu naflahar roak oa.

Markus 16:6

Varverun yai nfalak verin ira ne, “Deka byobar. Ukaꞌa roak ne, mya ma mdyava Yesus ntali Nazaret i rbaku roak Ia naꞌa aa walwalur. Ia wol nanaꞌa roak ini, tevek nvaꞌat ewal roak. Eka msyiꞌik wan i rfanuba Ia naꞌa yai.

Matius 28:10

Ba Yesus nfalak verin ira ne, “Deka byobar! Miti ma fyalak verin Ning tamata ra ma rti Galilea, tevek naꞌa ineri, na veka rsiꞌik Yaꞌa.”

Matius 14:27

Yesus nfalak lahir verin ira ne, “Ralabira ra deka kakoꞌu, tevek ini Yaꞌa, ba deka byobar!”

Matius 28:4

Suldadu ovi rwanar van yai rbobar ma raruru lalean ira, ba rleka rsuta fun ma wean tamata ovi rmata roak.

Kisah 2:24

Yesus ntuan wawaꞌuk i dawan urun, beti nmata. Naꞌuk Ubu nfavaꞌat ewal Ia tali matmatan, tevek matmatan a wol bisma ntahang teri Ia.