Matius 27:12 - Surat Ralan na'a Vaidida

¹² Yahudi rira dawan mela falurut ra ovu dawan Yahudi liak ra rmangadu Yesus, naꞌuk Ia wol nangrihi vaivatul isa vali.

Matius 27:12 Referans Kwoze

Matius 26:63

Naꞌuk Yesus wol vain. Ba Mela Falurut Ilaꞌa nfalak verin Ia ne, “Yaꞌa ufalak verin Oa ne, Ubu i nvaꞌat a nrenar afa ovi fwalak ra, ba fwalak urun verin ami! Oa ini Raja i veka mtevut tamata ra rira salasilan ra? Oa ini Ubu Yanan a?”

1 Petrus 2:23

Naꞌut i tamata ra rala vaivatul ovi ngra ra ma rfalak sian Ia, na wol nangal ira ovu vaivatul avyai vali. Naꞌut i tamata ra rotu susa Ia, na wol nfabobar ira ovu wol nera ma Ubu notu sian ira. Ia nala munuk tenan a verin Ubu i wol nsiklabir naꞌa inukun ovi nfasuka ra.

Kisah 8:32

Ubu Ni vaivatul ovi nbas yai ngoarira wean ini: “Ia wean domba isa i rovun Ia ma ti rfedan Ia. Ia wean domba koꞌu i rngotal vulun a, naꞌuk wol vain.

Matius 27:14

Naꞌuk Yesus wol nala vaivatul isa vali, ba Pilatus ntalkaka lahir.

Matius 27:13

Ba Pilatus norat ewal Yesus ne, “Wol mrenar ngrihi sian ovi rala al rmangadu Oa yai!”

Lukas 23:9

Wean inyai bi norat afa rivun tali Yesus, naꞌuk Yesus wol nvalat akataka.