Matius 17:6 - Surat Ralan na'a Vaidida

⁶ Yesus Ni tamata avyai rarenar vai yai, na rbobar urun ma rleka lahir rsuta lanun ma rtub-fangofak ira.

Matius 17:6 Referans Kwoze

2 Petrus 1:18

Ami amrenar lahir vai yai ntali lanit ratan, naꞌut i amamunuk amnaꞌa vuar i nmerat urun a.

Kisah 26:14

ma amleka munuk amsuta lanun. Nata urenar vai isa naꞌa vai Ibrani nfalak ne, ‘Saulus, Saulus! Afakinimi mwi-mwa Yaꞌa i? Oa mangal Yaꞌa, na veka mtuan susa dawan ilaꞌa.’

Kisah 22:7

Uleka lahir usuta lanun, na urenar vai isa nfalak verin yaꞌa ne, ‘Saulus, Saulus! Afakinimi mwi-mwa Yaꞌa i?’

Matius 17:5

Petrus nangrihi obin, na brian munuk mutan isa vanan urun ma nkum-teri irtelu. Ira rarenar vai isa ntali mutan ralan yai ne, “Ini Yanak i ulobang urun Ia. Ia notu ma ralang a lolin urun, ba mryenar afa ovi nfalak ra!”

Matius 17:7

Yesus nma ma nkena ira, beti nfalak ne, “Deka byobar, ba mdyiri kikyai!”