Markus 16:1 - Surat Ralan na'a Vaidida

¹ Amar i Yahudi ra ryari ira nelak roak, na Maria Magdalena, Maria i yanan Yakobus ovu Salome rfaha ngul ovi voarira lolin, mane rti raꞌung naꞌa Yesus tenan a.

Markus 16:1 Referans Kwoze

Lukas 23:56

Nata rewal ira rti Yerusalem ma rasusan ngul ovi voarira lolin, ovu voan ngul lolin i rfanara ia ne mur, ma veka raslofi naꞌa Yesus tenan a. Naꞌa amar i Yahudi ra ryari ira, na ira wol rkarya, ma rot-orang Musa ni inukun ra.

Markus 15:40

Vata boku rsiꞌik afa avyai tali raroa watan. Vata avyai nararira Maria Magdalena, Salome, Maria i yanan marmuri Yakobus ovu Yoses.

Yohanes 19:31

Naꞌut inyai, na tamata Yahudi ra rasusan warira ma ilyan, na ryari ira. Ira rira adat notu teri ma tamata ovi rbaku roak ira naꞌa aa walwalur, wol bisma rakloꞌi watan naꞌa amar i ryari ira. Nlia tali inyai, na amar i ryari ira yai neluk amar dawan verin ira. Ba dawan Yahudi ra rera verin Pilatus ma nsinir suldadu ra ma rkametal tamata ovi rbaku ira yai earira ra, ma rfasuka ira tali aa walwalur ra.

Yohanes 19:25

Yesus renan a, ovu Yesus renan warin a, ovu Maria i awan verin Klopas, ovu Maria Magdalena rdir-ebang aa walwalur i rbaku Yesus naꞌa.

Markus 16:8

Vata avyai rbobar ma raruru lalean ira, ba rti murin ma rafla talik van matmatan yai. Ira wol rfalak akataka verin tamata ra, tevek rbobar. [Ira rfamalik munuk ivar yai verin Petrus ovu ni kida ra, naꞌuk wol mnanat. Rotu munuk afa avyai, beti Yesus nsinir Ni tamata ovi rorang Ia ma rtali timur rti varat, ma ti rfamalik Ubu Ni Ivar mngaꞌun i wol bisma nmamu. Ivar yai nfamalik naꞌa i wean inba ma Ubu nsikat tamata ra tali rira salasilan ra, ma rira vavaꞌat kakiwal]. [

Markus 15:47

Maria Magdalena ovu Maria i yanan Yoses ti rsiꞌik wan i rfadoku Yesus naꞌa.

Markus 14:8

Vata ini not-nala roak afa ovi bis notu verin Yaꞌa. Wol naran amar i umata obin, na ia nliꞌi lan roak ngul voan lolin a naꞌa tenang a.

Markus 14:3

Yesus ndoku Simon ni rahan naꞌa ahu Betania. Simon ini lan a ni suhut ngabaa. Yesus ndoku nafnaꞌan, na vata isa nma ma ntuan Ia. Vata yai ntaha botal koꞌu isa i rotu tali vatu lolin isa naran pualam. Botal yai nsaꞌa ngul i voan a lolin urun ovu fyawan urun, naran narwastu. Ba nfefar botal yai relan a, ma nliꞌi ngul yai naꞌa Yesus ulun.

Lukas 23:54

Amar yai amar i Yahudi ra rasusan warira ma rsaꞌa amar i mane ryari ira, tevek lokat amar yai ni ovan, na ira ryari roak ira.

Markus 15:42

Naꞌa amar yai, na tamata Yahudi ra rasusan warira, tevek ni ilyan a, na rira amar ma ryari ira. Yaꞌi laflofan roak, na

Markus 16:2

Ba ti ma lera ndata roak naꞌa amar kareda, na rti van matmatan i rfanuba Yesus tenan a.

Lukas 24:1

Varverak sumatan obin naꞌut i amar kareda, na vata avyai rtaha ngul ovi voarira lolin ma rti van matmatan i rfanuba Yesus tenan a. Ira wol rti obin, na rasusan lan roak afa avyai.