Markus 1:35 - Surat Ralan na'a Vaidida

³⁵ Nfadaꞌing amar, na Yesus nbatar ma nti talik rahan yai. Ia nti wan lean vu isa, ma naflurut naꞌa inyai.

Markus 1:35 Referans Kwoze

Lukas 6:12

Amar isa, na Yesus nrata vuar isa ma naflurut verin Ubu. Ovan lolan yai, na Ia naflurut lalawatan.

Efesus 6:18

Ba naꞌut inba watan, na miflurut verin Ubu ma myera Ni Roh a ma nlobang mia ma mkyaꞌa ne, wean inba ma miflurut naꞌa afaka watan. Mia musti msyiꞌik wabira lalawatan naꞌa bira falurut ra, ovu deka mtyalik ma miflurut verin tamata inorang ra munuk.

Lukas 5:16

Naꞌuk Yesus baꞌi nfaroa Ia tali ira ma nti wan i wol tamata rnaꞌa ma naflurut.

Ibrani 5:7

Naꞌut i Yesus nvaꞌat naꞌa lanit ivavan a obin, na Ia naflurut ovu nvakar ma nfaktanit, ma nera verin Ubu i bisma nfatalik Ia tali matmatan a. Ubu nrenar Yesus Ni falurut ra, tevek Yesus nalang Ia ovu not-orang lalawatan afa ovi Ubu ralan nfalak ra.

Yohanes 6:15

Yesus nkaꞌa afa i tamata rivun avyai ranovak a. Tamata avyai mane rkiwal Ia ma neluk raja verin ira. Ba Yesus nban-talik wan yai ma nti vuar isa ma aksa Ia watan naꞌa inyai.

Matius 14:23

Ia nfalak ma rewal ira, beti nvaꞌal vuar isa naꞌa inyai ma naflurut. Ovan roak, na aksa Ia nanaꞌa watan inyai obin.

Filipi 2:5

Naꞌa bira vavaꞌat ra, na bira fikiran ra ovu afa ovi minovak naꞌa ralabira ra musti wean afa ovi Yesus nfikir roak a.

Yohanes 4:34

Ba Yesus nfalak verin ira ne, “Wean i ot-orang Ia i nsinir Yaꞌa, Ni afa ovi nfalak ra, ovu ot-nala munuk karya ovi nala verin Yaꞌa, na inyai wean watan Ning afamtahan.

Matius 14:13

Ti ma Yesus nrenar ivar ne, Yohanes nmata roak, na nrata kumal isa ma aksa Ia nti wan lean vu isa. Naꞌuk tamata rivun rarenar ne Yesus nti roak, ba rbana earira rtali rira ahu ra ma rorang Ia.

Markus 1:36

Nata Simon ovu ni kida ra ti rdava Ia.