Lukas 6:9 - Surat Ralan na'a Vaidida

⁹ Ba Yesus norat ira ne, “Dida agama ni inukun ra rfalak ma bis totu afaka naꞌut amar i tyari ita? Totu afa ovi lolin ra, te afa ovi sian ra? Tlobang tamata ra ma rvaꞌat, te tfedan ira?”

Lukas 6:9 Referans Kwoze

Lukas 14:3

Ba Yesus norat Yahudi rira dawan ovi rair Musa ni inukun ra ovu tamata Farisi avyai ne, “Naꞌa Musa ni inukun ra, bis totu ma tamata lolin ira naꞌa amar i ita tamata Yahudi tyari ita a?”

Markus 3:4

Nata, Yesus norat tamata avyai ne, “Dida agama ni inukun ra rfalak ma bis totu afaka naꞌut amar i tyari ita? Totu afa ovi lolin ra, te afa ovi sian ra? Tlobang tamata ra ma rvaꞌat, te tfedan ira?” Naꞌuk ira wol vair lahir.

Lukas 9:56

beti rti ahu liak.

Lukas 6:8

Naꞌuk Ia nkaꞌa lahir afa ovi ranovak naꞌa ralarira ra, ba nfalak verin brana i liman nmata yai ne, “Mwa ma mdiri tamata ovi rnaꞌa ini waharira ralan ra!” Ba brana yai ti ndiri tamata ovi rnaꞌa inyai waharira ralan ra.

Lukas 6:10

Ia nfalak munuk wean inyai, beti nsiꞌik lilit ira munuk ma nfalak verin brana yai ne, “Mlauk limam a mwa!” Ia not-orang afa i Yesus nfalak a, ba liman a lolin lahir.