Lukas 4:8 - Surat Ralan na'a Vaidida

⁸ Naꞌuk Yesus nfalak verin ia ne, “Rtulis roak naꞌa Surat Ralan ne, ‘Msangatur ma mraning aꞌuk Duilaꞌa, mu Ubu i morang a.’ ”

Lukas 4:8 Referans Kwoze

Matius 4:10

Yesus nfalak ne, “Nitdawan, muti vatuk oa tali wahang ralan ini kikyai, tevek rtulis roak naꞌa Surat Ralan ne, ‘Msangatur ma mraning aꞌuk Duilaꞌa, mu Ubu i morang a.’ ”

Wahyu 19:10

Ba usangatur lahir naꞌa Ubu Ni sansinir yai wahan ralan a, tevek mane uraning ia. Naꞌuk ia nfalak ne, “Deka motu wean inyai! Yaꞌa ini eluk sansinir vali verin Ubu, wean watan oa ovu teram a valim ovi rfamalik Ubu Ni vaivatul ra naꞌa Yesus. Ba msangatur ma mraning aꞌuk Ubu! Tevek tamata ovi rfamalik Ni vaivatul ra naꞌa Yesus, na ira rarenar lahir tali Ubu Ni Roh ma rfamalik wean nabi ra rfamalik.”

Wahyu 22:9

Naꞌuk ia nfalak verin yaꞌa ne, “Deka motu wean inyai. Yaꞌa ini eluk sansinir vali verin Ubu, wean watan oa ovu teram a valim nabi ra, ovu tamata ovi rot-orang vaivatul ovi mtulis naꞌa Buku ini. Msangatur ma mraning aꞌuk Ubu!”

Yakobus 4:7

Ba mia musti fyakabava tenabira ra verin Ubu, ovu myorang afa ovi nfalak ra. Myotu wean inyai, na myangal roak nitdawan ni afa ovi notu ra, ba veka nafla talik mia.

Lukas 4:4

Yesus nfalak ne, “Wol kena, tevek rtulis roak naꞌa Surat Ralan ne, ‘Tamata ra wol rvaꞌat tali afamtahan watan.’ ”

1 Petrus 5:9

Myangal ia, ovu bira inorang i nangrebat, tevek mkyaꞌa ne, terabir-valibira tamata inorang ovi rnaꞌa lanit ivavan a munuk lahir, rtuan vali susa wean mia.

Matius 16:23

Naꞌuk Yesus ndir-tamuri Petrus, beti nfalak verin ia ne, “Nitdawan, muti vatuk oa tali ini! Oa mangal Yaꞌa ma deka ot-orang Ubu Ni banbanan verin Yaꞌa. Afa ovi fwikir ra wol rtali Ubu, naꞌuk rtali watan tamata ra.”

Lukas 4:7

Ba wean i msangatur ma mraning yaꞌa, na veka ala munuk afa avyai verin Oa.”