Lukas 3:22 - Surat Ralan na'a Vaidida

²² ovu Ubu Ni Roh a nsuta wean modarlaka ma ndoku Yesus tenan a. Nata vai isa ntali lanit ratan nma ma nfalak ne, “Oa ini Yanak i ulobang urun a. Oa motu ma ralang a lolin urun.”

Lukas 3:22 Referans Kwoze

Yohanes 1:32

Yohanes nfamalik vali afa ovi nsiꞌik ra, ma nfalak ne, “Yaꞌa usiꞌik Ubu Ni Roh nsuta tali lanit wean modarlaka, ma ndoku Yesus tenan a.

Matius 17:5

Petrus nangrihi obin, na brian munuk mutan isa vanan urun ma nkum-teri irtelu. Ira rarenar vai isa ntali mutan ralan yai ne, “Ini Yanak i ulobang urun Ia. Ia notu ma ralang a lolin urun, ba mryenar afa ovi nfalak ra!”

Kisah 10:38

Bir tinemun mkyaꞌa roak Ivar naꞌa Yesus i ntali ahu Nazaret. Ubu nfili Ia ma nala Ni Roh ma nleal Ia, ovu nala ngrebat verin Ia. Ubu novun Ia, ba ti notu afa lolin rivun naꞌa wan inba watan naꞌa Israel, ovu notu ma tamata ovi nitdawan nleal ira, lolin ewal ira munuk.

Matius 3:17

Nata vai isa ntali lanit ratan nma ma nfalak ne, “Ini Yaꞌa Yanak i ulobang urun Ia. Ia notu ma ralang a lolin urun.”

1 Petrus 2:4

Fyaseri lalawatan Duilaꞌa Yesus. Ia wean vatu i nvaꞌat kakiwal a. Tamata ra rfikir ne vatu yai wol fyawan, naꞌuk Ubu nfili roak Ia ovu nalang urun Ia.

Matius 12:18

“Ini Ning sansinir i ufili a, Ulobang urun Ia. Ia notu ma ralang a lolin urun. Yaꞌa veka ala Ning Roh verin Ia, ma nfamalik naꞌa wean inba ma tamata ra munuk rira vavaꞌat ra rmalola.

Kolose 1:13

Yamadida Ubilaꞌa nfatalik roak ita tali nitdawan ni ngrebat a, ma nala roak ita ma ti tnaꞌa Yanan i nlobang a, Ni Fareta a.

Lukas 4:21

Yesus nair ira ma nfalak ne, “Amar ini Ubu nfakena vaivatul ovi mryenar tali Ni Surat Ralan yai.”

Matius 27:43

Ia norang Ubu ovu nfalak ne, Ubu Yanan Ia. Eka tsiꞌik, wean i Ubu veka nala Ia, na nvaꞌat te wahal?”

Matius 3:13

Naꞌut inyai, na Yesus ntali propinsi Galilea nti oar Yordan, boma Yohanes nbaptis Ia.

Matius 3:16

Ti ma nbaptis munuk Ia ma ndata tali wear, na brian munuk lanit ratan a natvadil ma Ubu Ni Roh nsuta wean modarlaka ma ndoku tenan a.

Markus 1:9

Naꞌut i Yohanes nbaptis tamata ra, na Yesus ntali ahu Nazaret i nanaꞌa propinsi Galilea nma ma Yohanes nbaptis Ia naꞌa oar Yordan.

Markus 1:11

Vai isa ntali lanit ratan nfalak ne, “Oa ini Yanak i ulobang urun a. Oa motu ma ralang a lolin urun.”

Markus 9:7

Naꞌut inyai, na mutan isa nkum-teri ira, ovu rarenar vai isa ntali mutan ralan yai ne, “Ini Yaꞌa Yanak i ulobang urun Ia. Mryenar afa ovi nfalak ra!”

Lukas 2:14

“Fara traning Ubu! Ia saꞌi dawan Ia ovu nanaꞌa wan i karatat lia munuk a. Naꞌa lanit ivavan ini, fara malinan verin tamata ovi Ubu naflahar roak ira.”

Yohanes 5:37

Yamang i nsinir Yaꞌa kaꞌi nfamalik vali ne, iki Yaꞌa. Mia wol mryenar vain a ovu vali wol msyiꞌik felan a obin.

Yohanes 12:28

Yesus nfalak verin Yaman a ne, “Bapa, fara tamata ra rfadawang ilaꞌa naram a.” Nata vai isa ntali lanit ratan nfalak ne, “Ufadawang ilaꞌa narang a, ovu veka ufadawang ewal narang a.”