Lukas 22:62 - Surat Ralan na'a Vaidida

⁶² Ba Petrus nbana nti murin ma nvakar ma naꞌa samsekur.

Lukas 22:62 Referans Kwoze

1 Korintus 10:12

Ba tamata inorang iki watan nanovak ne, ni inorang a nangrebat roak, na musti nsiꞌik wan ma lolin, boma deka nleka naꞌa salasilan ra.

Matius 26:75

Ba Petrus nangnanang nal-ewal vaivatul ovi Yesus nfalak lan roak verin Ia ne, “Manut wol nkukuwai obin, na oa veka malak nala fatelu roak ne, wol mkaꞌa Yaꞌa.” Nata Petrus nti talik wan yai ma nvakar ma naꞌa samsekur.

Markus 14:72

Brian munuk, na manut nkukuwai ewal. Ba Petrus nangnanang nal-ewal vaivatul ovi Yesus nfalak lan roak verin ia ne, “Manut wol nkukuwai farua obin, na oa veka malak nala fatelu roak ne, wol mkaꞌa Yaꞌa.” Ba Petrus nvakar ma naꞌa samsekur.

Matius 5:4

Ubu naflahar tamata ovi ralarira lalau, tevek Ia veka nfaloling ralarira ra.

Lukas 22:61

Nata Yesus nfulak Ia ma nsiꞌik Petrus, beti Petrus nangnanang nala ewal afa i Duilaꞌa nfalak roak verin ia ne, “Ovan ini manut wol nkukuwai obin, na oa malak nala fatelu roak ne, wol mkaꞌa Yaꞌa.”

Lukas 22:63

Tamata ovi rwanar Yesus rangrihi ma rworuk-rwak Ia, ovu rvaval Ia.