Lukas 2:33 - Surat Ralan na'a Vaidida

³³ Kasikoꞌu yai renan ovu yaman a rtalkaka lahir naꞌut i rarenar afa ovi Simeon nfalak naꞌa yanarira a.

Lukas 2:33 Referans Kwoze

Lukas 2:48

Ti ma renan ovu yaman a rsiꞌik Ia, na rtalkaka lahir, ba renan nfalak verin Ia ne, “Baba, notu afakinimi motu wean inyai verin ami? Amrua yamam a amdava Oa, nata ralamami raruan roak!”

Matius 8:10

Yesus nrenar afa ovi suldadu dawan yai nfalak a, na ntalkaka, ma nfalak verin tamata ovi rban-orang Ia ne, “Afa i ufalak verin mia ini kena urun! Tamata ini ni inorang a dawan urun. Naꞌa Israel, na wol utuan tamata isa obin ni inorang a dawan wean tamata ini!

Matius 12:46

Yesus nangrihi verin tamata rivun avyai obin, na renan ovu warin ra rma. Ira inar ma rangrihi ovu Ia, naꞌuk rdiri watan murin.

Lukas 9:43

Ba tamata rivun avyai rtalkaka, tevek rsiꞌik lahir Ubu Ni ngrebat a. Naꞌut i tamata rivun avyai rtalkaka obin, tevek rsiꞌik afa ovi Yesus notu ra, na Yesus nfalak verin Ni tamata ovi rorang Ia ne,

Lukas 20:26

Ira wol rfalek-nala Ia tali Ni vaivatul ra naꞌa tamata rivun waharira ralan ra. Ira rtalkaka lahir ovu wol vairira, tevek afa ovi Yesus nfalak yai.

Lukas 2:18

Tamata ovi rarenar afa ovi domba duarira rfamalik yai, rtalkaka munuk lahir.