Lukas 17:4 - Surat Ralan na'a Vaidida

⁴ Wean i notu salasilan verin mia fafitu naꞌa amar isa, ovu vali newal nala fafitu ia nma verin mia ma nfalak ne, ‘Yaꞌa ahil roak, ba era ma myabun yaꞌa,’ na mia musti myabun ia.”

Lukas 17:4 Referans Kwoze

Roma 12:20

Deka myangal tamata i notu sian mia, naꞌuk myotu watan wean Surat Ralan nfalak roak ne, “Wean i tamata yai nablafar, na fyaꞌan ia. Wean i nabroa, na myala wear ma nenu. Tevek myotu wean inyai, na myotu roak ma nmaꞌit urun naꞌa afa ovi notu ra.”

Matius 6:12

Fara maꞌi vatuk mami salasilan ra, wean ami amabun roak tamata ovi rotu salasilan verin ami.

Matius 18:35

Ba Yamang a naꞌa lanit ratan veka notu vali wean inyai verin lokat tamata, wean i wol ralabira urun ma myabun salasilan ovi terabir-valibira ra rotu verin mia.”

Matius 18:16

Naꞌuk wean i wol nrenar oa, na movun tamata isa te irua ewal ma msurak ewal ia, ma rarenar afa ovi fwalak ra. Rtulis roak naꞌa Surat Ralan ne, ‘Wean i mane rmangadu tamata, na tamata irua te itelu musti rnaꞌa inyai vali ma rarenar afa ovi rfalak ra.’

Matius 5:44

Naꞌuk Yaꞌa ufalak verin mia ne, mlyobang tamata ovi rira sian mia, ovu miflurut verin tamata ovi rwi-rwa mia.

Lukas 17:5

Nata Yesus Ni rasul ra rfalak verin Ia ne, “Duilaꞌa Yesus, fara fwangrebat mami inorang a!”