Kisah 9:6 - Surat Ralan na'a Vaidida

⁶ Bwatar kikyai ma muti kota ralan eri, tevek naꞌa ineri, na tamata isa veka nfalak verin oa naꞌa afa ovi musti motu ra.”

Kisah 9:6 Referans Kwoze

Kisah 22:10

Yaꞌa orat ewal ne, ‘Yaꞌa veka otu aka ta Duilaꞌa?’ Duilaꞌa nfalak ne, ‘Bwatar ma muti Damsyik. Naꞌa ineri, na veka lyawan verin oa naꞌa afa ovi veka ufalak ma motu ra.’

Kisah 26:16

Eka bwatar ma mdiri. Ufalyawang tenang verin oa ma ala oa meluk Ning tamata sansinir, ma ti fwamalik verin tamata ra naꞌa afa ovi mrea roak tali Yaꞌa, ovu afa ovi veka ufaturu verin oa naꞌa amar ovi veka rma ini.

Filipi 2:12

Ba wean inyai, na terang a valing ovi ulobang urun mia; naꞌut i itmunuk obin a, na myorang lalawatan afa ovi air roak verin mia. Fiang ini era verin mia ma mtyafal vali ma myotu munuk wean inyai, ma inovan ovu tamata ovi Ubu nsikat roak ira tali rira salasilan ra, ma rira vavaꞌat kakiwal. Myotu wean inyai ovu ralabira urun ma myalang urun Ia, velik ne tsifaroa ita.

Roma 10:20

Yesaya nabrahi vali ma ntulis afa ovi Ubu nfalak ne, “Tamata ovi wol rdava Yaꞌa, rtuan roak Yaꞌa, ovu ufavotuk roak tenang a verin tamata ovi wol rorat Yaꞌa.”

Roma 10:3

Ira wol rfan-aran i wean inba ma Ubu notu ma tamata rira vavaꞌat ra rmalola. Ba ira kaꞌi rdava watan lingaꞌan ma rira vavaꞌat ra rmalola. Ira wol rorang lingaꞌan i Ubu notu ma tamata rira vavaꞌat ra rmalola.

Roma 7:9

Lalan a, naꞌa ning vavaꞌat a, na wol ufan-aran Musa ni inukun ra. Naꞌuk amar i ufan-aran inukun avyai, na salasilan i nanaꞌa ralang a ntafal ma inak ma otu salasilan.

Roma 5:20

Ubu nfasuka inukun ra verin Musa, ba tamata rtafal ma rangal inukun avyai. Velik ne tamata rira salasilan ra rtafal ma rivun, naꞌuk Ubu Ni rala lolin a ntafal ma dawan lia salasilan ra.

Kisah 10:32

Ba msinir tamata ra ma rti Yope, ma rera Simon Petrus ma nma. Ia nlolak tamata liak isa vali naran Simon, ni rahan a nebang tahat. Tamata yai baꞌi nvinit afwatan ulin ra ma nfaear ira.’

Kisah 10:22

Ira rfalak ne, “Roma rira suldadu dawan isa naran Kornelius nsinir ami ma amama ini. Ia ni vavaꞌat nmalola ovu nalang ma dawan Ubu, ovu vali Yahudi ra rfalak ne, lolin ia. Ubu Ni sansinir isa tali lanit ratan nma ma nfalak verin ia ma nera oa muti ni rahan a, ma nrenar afa ovi fwalak ra.”

Kisah 10:6

Ia nlolak tamata liak isa naran Simon vali, ni rahan a nebang tahat. Tamata yai baꞌi nvinit afwatan ulin ra ma nfaear ira.”

Kisah 2:37

Ti ma rarenar afa avyai, na ralarira lalau urun, ba rorat vali Petrus ovu rasul liak ra ne, “Kida averi, ki amotu aka?”

Lukas 3:10

Ba tamata rivun avyai rorat ia ne, “Wean inyai, na ami veka amotu afaka?”

Matius 19:30

Naꞌuk tamata rivun ovi fiang ini dawan ira ma rban-ulu verin tamata ra, ira veka rban-muri watan. Tamata ovi koꞌu watan ira fiang ini ma rban-muri, ira veka dawan ira ma rban-ulu verin tamata ra.”

Yakobus 4:6

Ubu nala Ni rala lolin verin ita, boma tfalek-nala afa sian ovi rnaꞌa raladida ra. Wean i nfalak roak naꞌa Surat Ralan a ne, “Ubu nangal tamata ovi rfakaratat tenarira ra, naꞌuk nlobang ovu nala ngrebat verin tamata ovi baꞌi rfakabava tenarira ra.”

Kisah 9:5

Saulus norat ne, “Iki Oa ta Duilaꞌa?” Ba vai yai nfalak ne, “Yaꞌa ini Yesus i mwi-mwa a.