Kisah 15:5 - Surat Ralan na'a Vaidida

⁵ Naꞌuk tamata ovi rorang Yesus boku rtali Yahudi rira sidovung isa naran Farisi rdiri ma rfalak ne, “Tamata ovi wol Yahudi ira, naꞌuk rorang roak Yesus, musti rot-orang Musa ni inukun ra ovu rsunat vali ira.”

Kisah 15:5 Referans Kwoze

Kisah 15:1

Amar isa, na tamata boku rtali propinsi Yudea rma kota Antiokhia ma rair tamata ovi rorang Yesus, naꞌuk wol Yahudi ira. Ira rfalak ne, “Musa ni inukun ra rfalak ne, wean i wol rsunat mia, na Ubu wol nsikat mia tali bira salasilan ra, ma bira vavaꞌat kakiwal.”

Kisah 21:20

Rarenar afa ovi Paulus nfamalik yai, na raraning Ubu. Nata rfalak verin ia ne, “O kida, eka msiꞌik ma lolin, tevek tamata Yahudi rivun ilaꞌa rorang roak Yesus. Irmunuk ivaꞌurira ma rot-orang vali Musa ni inukun ra.

Kisah 15:24

Ami amrenar ne, tamata ifira rtali mami sidovung ti rlolak mia, ma rotu ma wahabira rwaꞌuk naꞌa afa ovi rair ra. Ami wol amsinir ira ma rotu afa avyai.

Kisah 24:5

Amkaꞌa lahir ne, tamata ini notu afa sian rivun roak. Ia suhut duan ia, ma notu ma tamata Yahudi ra vangoa-vanga lalawatan naꞌa wan inba watan. Ia ntaha vali sidovung isa naran Nazaret.

Matius 3:7

Tamata rivun rtali Yahudi rira sidovung isa naran Farisi, ovu sidovung isa vali naran Saduki, rma ma rera ma Yohanes nbaptis ira. Ia nsiꞌik ira ma nfalak ne, “Hoi, mia sian urun mia wean nifa isa naran aru! Bira vavaꞌat ra wol kena ovu bira vaivatul ra. Iki nfalak verin mia ne, wean i rbaptis mia, na Ubu Ni inukun wol nkena mia?

Kisah 5:17

Ti nata Yahudi rira Mela Falurut Ilaꞌa ovu ni tamata ovi rnaꞌa sidovung Saduki ralarira sian urun, tevek tamata rivun rorang rasul ra.

Kisah 24:14

Naꞌuk utorung verin oa ta baba ne, yaꞌa ufadawang Ubu i ubumam-nusimami ra baꞌi raraning a, ma orang Duilaꞌa Yesus Ni Lingaꞌan i tamata Yahudi ra rfalak ne, wol kena. Yaꞌa orang munuk Musa ni inukun ra, ovu orang vali afa ovi nabi ra rtulis roak naꞌa rira kitab ra.

Kisah 28:22

Naꞌuk inamami ma fwamalik mu inorang a ma amrenar, tevek amkaꞌa ne, naꞌa wan inba watan tamata ra rfalak sian tamata ovi rorang Yesus rira sidovung.”

1 Korintus 7:18

Ba wean i tamata isa rsunat roak ia, naꞌut i Ubu nera ia ma norang Yesus, na deka nfonak ni sunat yai ma nfalak ne, wol rsunat ia. Wean vali inyai verin tamata i wol rsunat ia, naꞌut i Ubu nera ia ma norang Yesus, na deka rsunat ia.

Galatia 2:11

Naꞌut i Petrus nma kota Antiokhia, na utabu ia naꞌa wahan ralan a, tevek notu afa ovi wol kena ra.

Galatia 2:14

Usiꞌik, na rira afa ovi rotu ra wol inovan roak ovu Ubu Ni Ivar Lolin i mngaꞌun a, ba ufalak verin Petrus naꞌa waharira ralan ra ne, “Velik ne oa tamata Yahudi oa, naꞌuk mu vavaꞌat a wean tamata ovi wol Yahudi ra. Motu roak wean inyai, na wean inba ma mkiwal tamata ovi wol Yahudi ira ma rot-orang tamata Yahudi rira adat ra?”