Kisah 13:49 - Surat Ralan na'a Vaidida

⁴⁹ Ba Ubu Ni vaivatul ra ti rsoru munuk wan yai.

Kisah 13:49 Referans Kwoze

Kisah 19:10

Paulus naꞌa inyai varat irua ma nfamalik Duilaꞌa Yesus, ba tamata ovi rleal propinsi Asia, velik ne Yahudi te wol Yahudi ira, na rarenar Ubu Ni vaivatul ra.

Kisah 12:24

Nata tamata ovi rarenar ovu rorang Ubu Ni vaivatul ra rtafal ma rivun ira.

Kisah 19:26

Mia msyiꞌik ovu mryenar afa ovi Paulus nfalak ra. Ia nfalak ne, ubu ovi tamata ra rotu wol urun, ma nweang nala tamata rivun ma rorang ia naꞌa Efesus ini ovu naꞌa propinsi Asia!

Kisah 9:42

Ivar ini nsoru lahir Yope, ba tamata rivun rorang Duilaꞌa.

Kisah 6:7

Ba tamata ovi rorang Yesus ti rfamalik Ubu Ni vaivatul ra verin tamata rivun. Tamata ovi rorang Yesus naꞌa Yerusalem ntafal ma rivun ilaꞌa. Yahudi rira mela falurut ra, rivun vali ira rorang Yesus.

Matius 9:31

Naꞌuk ira rti ma rfamalik watan afa yai naꞌa ahu ra munuk naꞌa propinsi Galilea.

Kisah 13:12

Gubernur yai nsiꞌik afa yai, ba norang lahir Yesus. Ia ntalkaka, tevek rala ngrebat tali Ubu al rair Duilaꞌa verin tamata ra.