Galatia 1:11 - Surat Ralan na'a Vaidida

¹¹ Terang a valing averi, yaꞌa ufalak urun verin mia ne, Ubu Ni Ivar Lolin i ufamalik roak yai wol ntali tamata rira fikiran ra.

Galatia 1:11 Referans Kwoze

Galatia 1:1

Yaꞌa, Paulus, ukirim surat ini verin tamata ovi rorang Yesus rira sidovung ra naꞌa propinsi Galatia. Tamata ra wol rfili yaꞌa ma eluk rasul, naꞌuk Yesus Kristus ovu Yamadida Ubilaꞌa i nfavaꞌat ewal Ia tali matmatan a, kaꞌi nfili yaꞌa. Amamunuk terad a valid ovi rorang Yesus amnaꞌa ini.

1 Korintus 11:23

Yaꞌa air roak mia tali afa i Duilaꞌa nala roak verin yaꞌa. Afa yai wean ini: ovan i Yudas nfedi dida Duilaꞌa Yesus, naꞌuk wol rtaha Ia obin, na Ia nala roti ma

Roma 2:16

Ba veka wean vali inyai naꞌut i Ubu nfadoku roak ma nfaleka inukun verin tamata ra. Naꞌut inyai, na Ubu veka nala ngrebat verin Kristus Yesus ma nfaleka inukun verin tamata ra munuk rira fikiran fanfonak ra. Afa yai wean lahir afa ovi ufamalik naꞌa Ubu Ni Ivar Lolin a.

1 Korintus 3:4

Wean i tamata boku rfalak ne, “Ami amorang Paulus,” na liak ra rfalak vali ne, “Ami amorang Apolos,” na inyai nfaturu roak ne, bira afa ovi myotu ra myorang watan bira ininan sian ovi rtali lanit ivavan ini.

1 Korintus 9:8

Afa ovi ufalak ini, wol mane rtali watan tamata rira fikiran ra, naꞌuk rfadoku vali roak wean inyai naꞌa Musa ni inukun ra.

Galatia 1:6

Yaꞌa ubrian mia, tevek wol mnanat lahir obin ma myorang Kristus, na mifla talik roak Kristus Ni rala lolin i nala verin mia, ma myorang ivar liak i tamata boku rfalak ne, lolin vali.