Efesus 6:7 - Surat Ralan na'a Vaidida

⁷ Deka mkyarya watan tevek rkiwal mia, naꞌuk mkyarya ovu ralabira urun. Deka minovak naꞌa ralabira ra ne, mkyarya verin tamata ra watan, naꞌuk wean lahir i mkyarya verin Duilaꞌa.

Efesus 6:7 Referans Kwoze

Kolose 3:23

Naꞌa afaka watan, na mkyarya ovu ralabira urun, wean lahir i mkyarya verin Duilaꞌa. Ba deka minovak naꞌa ralabira ra ne, mkyarya verin tamata ra watan.

1 Korintus 10:31

Terang a valing averi! Ufalak verin mia ne, wean i mian te myenu te myotu afaka watan, na myotu munuk afa avyai ma al fyadawang Ubu.

Roma 6:17

Ita tfalak fara weninyai verin Ubu, tevek lan ana, mia myeluk tamata sansinir verin salasilan a. Naꞌuk fiang ini ralabira urun ma myot-orang afa kena ovi rair roak verin mia.