Efesus 6:23 - Surat Ralan na'a Vaidida

²³ Fara Yamadida Ubilaꞌa ovu Duilaꞌa Yesus Kristus nala Ni malinan a verin mia tamata inorang ra munuk naꞌa Efesus, ovu vali notu ma msyilobang mia ma myorang aꞌuk Kristus.

Efesus 6:23 Referans Kwoze

Galatia 6:16

Tamata ovi rot-orang vaivatul avyai naꞌa rira vavaꞌat ra, na era ma Ubu nfaturu Ni silobang a verin ira ovu notu ma rira vavaꞌat ra malinan watan. Tamata avyai Ubu Ni tamata inorang mngaꞌun ra.

1 Petrus 5:14

Lokat mia myala vali salam ma msyivoan mia ovu msyilobang mia. Era ma Ubu nala Ni malinan a verin mia munuk tamata ovi bira vavaꞌat isa roak ovu Kristus. Kena urun. Ning surat a lawan watan ini. Salam tali yaꞌa, Petrus

Galatia 5:6

Wean i dida vavaꞌat isa roak ovu Kristus Yesus, na rsunat te wol rsunat ita, irua wear isa watan, tevek wol ihin akataka verin Ubu. Ni lolin a torang aꞌuk Yesus Kristus, ovu tlobang tamata ra, ma tfaturu dida inorang a.

1 Timotius 1:14

Duilaꞌa nala Ni rala lolin verin yaꞌa ma nfangora ralang a, ba orang Ia ovu ulobang tamata liak ra vali. Wean vali inyai verin tamata ovi rorang Kristus Yesus.

Wahyu 1:4

Terang a valing averi, yaꞌa ini Yohanes. Ususan surat ini verin tamata inorang rira sidovung ifitu naꞌa propinsi Asia. Era ma fara Ubu naflahar mia ma nala Ni rala lolin a ovu malinan a verin mia. Salam i ula lalean ntali Ubu i fiang ini nanaꞌa, ovu nanaꞌa roak naꞌut i lanit ivavan wol nanaꞌa obin, ovu veka nanaꞌa lalawatan, nata ti wol ni wahan. Salam i norang i ula lalean yai, ntali Ni Roh i rfanara Ia ne, roh ifitu i rdir-lilit Ia naꞌa wan i ndoku ma nfareta naꞌa lanit ratan.

1 Timotius 1:3

Naꞌut i uti propinsi Makedonia, na era verin oa ma mnaꞌa watan kota Efesus. Tamata boku naꞌa inyai rair afa ovi wol mngaꞌun ra, ba era ma mtab-teri ira, boma deka rair afa avyai.

2 Tesalonika 3:16

Ubu aꞌuk saꞌi nala malinan verin ita. Fara Ubu notu ma bira vavaꞌat ra malinan naꞌa afaka watan. Fara Ia novun bir tinemun.

2 Tesalonika 1:3

Teramam-valimami averi naꞌa Yesus Kristus, amfalak fara weninyai lalawatan verin Ubu, tevek bira inorang a ntafal ma dawan. Bira silobang a verin iki watan ntafal vali.

1 Tesalonika 5:8

Naꞌuk ita tnaꞌa lyawan, ba eka tatahang raladida. Torang aꞌuk Yesus ovu dida silobang a dawan, boma tangrebat, wean suldadu i noru ravit tmaꞌan al nteri tenan a. Ita musti tfakloꞌi aꞌuk dida vavaꞌat ra verin Ubu i veka nsikat ita tali dida salasilan ra, boma tangrebat wean vali suldadu i nala kalulu tmaꞌan al nteri ulun a.

Yohanes 14:27

Uti, naꞌuk otu ma ralabira ra malinan watan. Malinan i ntali Yaꞌa, ala verin mia, ovu afa i ala verin mia yai wol wean afa ovi lanit ivavan a nala verin mia. Ba ralabira ra deka kakoꞌu ovu deka byobar.

1 Timotius 5:8

Naꞌuk tamata ovi rafena ma rsiꞌik urarir-yanarira ra, te nlia tali inyai rira rahan teta, na inyai nfaturu ne, rafena roak ma rorang Yesus. Tamata avyai rira sian a nlia tamata ovi wol rorang Yesus.

Roma 15:33

Uflurut ma fara Ubu i nala Ni malinan verin tamata ra, nfatuang munuk mia. Kena urun.

2 Korintus 13:11

Ba terang a valing averi, mane ufakbosal ning surat ini, na ufalak verin mia ne, fara ralabira lolin watan. Era ma fyakena urun afa ovi myotu naꞌa bira vavaꞌat ra, ovu myala ning snurak ra munuk ma rleal ralabira ra. Bira fikiran isa naꞌa afa ovi myotu ra. Msyiotu lolin mia naꞌa bira vavaꞌat ra ma malinan watan, boma Ubu i Nia silobang ovu malinan a, nfatuang mia.

Efesus 6:24

Era ma Ubu nala Ni kalolin a verin mia munuk, tamata ovi ralabira urun ma mlyobang Duilaꞌa Yesus Kristus, nata ti wol ni wahan. Ning surat i utulis ini, lawan watan ini. Ya'a Paulus, ala salam verin mia

3 Yohanes 1:14

Yaꞌa inak ma wol mnanat, na tsituan roak ita, boma bisma ungrihi lahir nulu oa.