1 Timotius 5:14 - Surat Ralan na'a Vaidida

¹⁴ Wean inyai bi, era ma varu ovi tuvmarmuri ra rsifa ewal, boma rotu duarir-yanarira ra ma rasusan rira rahan teta ra, ma tamata ovi wol rorang Yesus wol rdav-nala lingaꞌan ma rfalak sian ita.

1 Timotius 5:14 Referans Kwoze

Titus 2:5

rkaꞌa warira ma rira fikiran ra blawat, ovu ralarira ra rmerat. Ira musti rmarkai, ovu ivaꞌur ma rsiꞌik ma lolin rira rahan teta ra, ovu ralarira lolin watan ma rorang awarira ra. Ira rotu afa avyai, boma tamata ra deka rfalak sian Ubu Ni vaivatul ra.

1 Timotius 6:1

Kida, eka fwalak verin tamata sansinir ovi rorang Yesus ma ralang duarira ra, boma tamata ra deka rfalak sian Ubu naran a, ovu vali afa ovi tair ra.

Titus 2:8

Msiair ovu vaivatul ovi kena ra, boma tamata ra deka rfasala oa. Motu wean inyai, na tamata ovi mane rangal oa veka rmaꞌit, tevek wol rdav-nala lingaꞌan ma rfalak sian ita.

1 Timotius 4:3

Ira rair tamata ra ma deka rsifa ovu deka raꞌan afamtahan boku, velik ne Ubu nala afamtahan avyai ma tamata ra raꞌan. Ita torang aꞌuk Yesus, ovu tkaꞌa afa mngaꞌun ovi Ubu nair verin ita, ma tfalak fara weninyai verin Ia, beti taꞌan afamtahan avyai.

Ibrani 13:4

Vata te brana ovi rsifa roak a, musti ralang rira sifa a. Inyai ihin a ne, deka mtyuba ovu vata te brana ovi wol awabira verin ira, tevek Ubu veka nukun mia. Vata te brana ovi wol awabira obin, deka msyifa tia ma watan, tevek Ubu veka nukun vali mia.

1 Timotius 5:11

Ba deka fwadoku varu ovi tuvmarmuri ra naꞌa kareda ni daftar varu ra, tevek inar urun ma rsifa ewal. Rotu wean inyai, na wol inar roak ma rfabana Yesus Kristus Ni karya.

1 Timotius 2:8

Yaꞌa inak ma naꞌa inba watan misdovu mia, na era ma brana ra rsikat limarira ra ma raflurut. Brana ra musti rira vavaꞌat ra rmalola, ovu wean i mane raflurut, na deka rsingarahi te rsingrova ira.

2 Korintus 11:12

Naꞌuk afa ovi otu roak fiang ini, veka otu lalawatan ma angal teri tamata ovi rdava lingaꞌan, ma rfalak verin tamata ovi rfakaratat tenarira ra ne, ira wearira watan ami.

Roma 14:13

Wean inyai, na deka tsifasala ita! Naꞌuk ni lolin a tanovak ma totu wean ini: Deka totu afa ovi rotu ma terad a valid ra rotu salasilan.