1 Petrus 2:8 - Surat Ralan na'a Vaidida

⁸ Iki wol norang Yesus, na ia veka ntuan afa ovi Surat Ralan nfalak ne, “Vatu yai neluk angangal verin tamata ma rasvotun ma rleka lahir.” Tamata avyai rasvotun naꞌa vatu yai, tevek wol rot-orang Ubu Ni vaivatul ra. Ia nfadoku roak ma musti wean inyai.

1 Petrus 2:8 Referans Kwoze

1 Korintus 1:23

Naꞌuk ami wol amangrihi wean inyai. Ami amfamalik watan Kristus i nmata naꞌa aa walwalur a. Ivar yai nfakeri lahir tamata Yahudi ralarira ra ovu vali tamata ovi wol Yahudi ra ranovak ne, Ivar yai vu watan.

1 Petrus 2:7

Tamata ovi myorang Yesus Kristus, na mia veka utubira urun. Naꞌuk verin tamata ovi wol rorang Ia, Surat Ralan nfalak ne, “Vatu i tukan ra rvatuk yai, fyawan lia munuk vatu ovi rala ma al rfangrebat rahan a.”

Roma 9:22

Wean vali inyai naꞌa afa ovi Ubu notu ra, inovan ma not-orang watan afa ovi ralan nfalak ma notu verin tamata ra. Velik aba, ntorung ma nfaturu Ni ngrova i nvua matmatan a verin tamata ovi rotu salasilan, ovu mane nfaturu Ni ngrebat a, tevek inovan ma nukun ira. Naꞌuk Ubu ntahang ralan obin, ma wol nukun lahir tamata ovi musti nukun ira tevek rotu ma nangrova urun.

Yudas 1:4

Tevek tamata boku rti fanfonak watan ira naꞌa bira sidovung ralan a, ma rair afa ovi wol kena ra verin mia. Tamata avyai wol rorang Ubu. Ira rair ma rfulak-rvali Ubu Ni rala lolin i nala verin ita, boma bisma rfakena rira ininan sian ra. Ira rafena ma rorang dida Duilaꞌa Yesus Kristus i ikisa watan Ia, ovu nfareta munuk afakataka. Tali lalan rfadoku roak naꞌa Surat Ralan ne, Ubu veka nukun ira.

2 Petrus 2:3

Tamata avyai rfamalik tomu siklabir ovi kaꞌi rotu watan ma al rdava uturira tali mia, tevek rlobang kubang ma rfikir aꞌuk tenarira ra. Naꞌuk mnanat roak Duilaꞌa nukun ira ma inovan ovu rira afa ovi rotu ra, ovu vali veka wol nanaban ma mnanat, na nvisal lahir ira.

1 Tesalonika 5:9

Ubu wol nfadoku ma nfaturu lahir Ni ngrova verin ita, naꞌuk veka nsikat ita tali dida salasilan ra, ma dida vavaꞌat kakiwal nahu Duilaꞌa Yesus Kristus.

Lukas 2:34

Nata Simeon naflurut verin Ubu ma naflahar ira, ovu nfalak verin Maria ne, “Ubu nfadoku roak ma kasikoꞌu ini veka nfaleka ma rivun tamata Israel ovi rafena ma rorang Ia, ovu vali nsikat tamata rivun tali rira salasilan ra, ma rira vavaꞌat kakiwal. Ia neluk faneak tali Ubu ma nfangnanang tamata ra naꞌa afa ovi Ubu nfalak ra, naꞌuk tamata rivun veka rangal Ia.

Galatia 5:11

Terang a valing averi, wean i air mia ne, musti rsunat tamata ra veki, boma rorang Musa ni inukun ra, na Yahudi ra wol rangrova yaꞌa. Naꞌuk yaꞌa wol air wean inyai! Ira rangrova ma rotu sian yaꞌa, tevek air mia ne, Kristus nmata naꞌa aa walwalur ma al nakvanak ita.

1 Petrus 2:6

Ubu nfalak naꞌa Ni Surat Ralan a ne, Yesus Kristus wean vatu i fyawan lia munuk ma al nfangrebat rahan a. Vaivatul avyai ngoarira ra wean ini, “Msyiꞌik, Yaꞌa ufili roak vatu isa i fyawan urun a ma neluk vatu i ufadoku lan lalean naꞌa kota Sion. Tamata iki watan norang Ia, na Ia veka not-nala afa ovi ntorung ma nala verin ia, ma ralan a wol lalau.”