1 Korintus 9:4 - Surat Ralan na'a Vaidida

⁴ Inovan ma ami tamata ovi amfabana Duilaꞌa Ni karya a, amala fanaꞌan-fanenu tali mami karya yai.

1 Korintus 9:4 Referans Kwoze

1 Tesalonika 2:6

Ami wol amera vali ma mia te tamata liak ra rfadawang ami, velik ne wol sala ami ma amera wean inyai, tevek Kristus Ni rasul verin ami.

Lukas 10:7

Mnyaꞌa rahan yai, na myenu ovu mian watan afamtahan ovi tamata ra rala verin mia naꞌa inyai, tevek tamata ovi rkarya inovan ma rala enarira ra. Deka msyuta talik rahan ovi mnyaꞌa lan roak a ma ti mnyaꞌa rahan liak.

1 Tesalonika 2:9

Teramam-valimami averi mingnanang obin ne, ivaꞌumami ma amkarya urun ovu amfamalik Ubu Ni vaivatul ra verin mia. Ovan-amar, na amkarya afa liak vali ma al amdava mami fanaꞌan-fanenu, boma deka amotu varvara verin mia.

Galatia 6:6

Tamata ovi rarenar roak Surat Ralan tali tamata liak ra musti rsiduk vali rira afa lolin boku verin tamata ovi rair ira yai.

Matius 10:10

Naꞌa bira banbanan a, deka mtyaha sadawan. Bis watan ma mtyaha ravit, takil te tatea, naꞌuk sasan watan. Tamata ovi rkarya ra, inovan ma rala afa ovi rperlu tali tamata ovi rlobang nala roak ira.

Kisah 20:33

Yaꞌa wol uboꞌitea tamata rira kubang te kadaravit ra.

1 Korintus 9:3

Ba wean i tamata boku rfasala yaꞌa, na veka ulotar tenang a ma ufalak wean ini: