1 Korintus 9:21 - Surat Ralan na'a Vaidida

²¹ Wean i unaꞌa tamata ovi wol Yahudi waharira ralan ra, na otu felang a wean ira, ma uvaꞌat wean tamata ovi wol rot-orang Musa ni inukun ra, boma utung ira ma rorang Kristus. Naꞌuk afa avyai wol rotu ma wol orang afa ovi Ubu nfalak ra. Yaꞌa ot-orang lalawatan afa ovi Kristus nfalak ma otu naꞌa ralang a nahu Ni Roh.

1 Korintus 9:21 Referans Kwoze

Roma 2:12

Tamata ovi wol Yahudi ra, wean i rotu salasilan, na Ubu veka nukun munuk ira ma rmata, naꞌuk wol nukun ira tevek rangal Musa ni inukun ra. Naꞌuk tamata Yahudi ra, wean i rotu salasilan, na Ubu veka nfaleka inukun verin ira munuk, tevek rangal Musa ni inukun ra.

Galatia 3:2

Mane orat afa isa watan tali mia ne, Ubu nala Ni Roh ma nleal ralabira ra tevek myorang Musa ni inukun ra, te mryenar i tamata ra rfamalik Ubu Ni Ivar Lolin a ma myorang Kristus?

Roma 2:14

Tamata ovi wol Yahudi ira wol rkaꞌa Musa ni inukun ra. Naꞌuk ti ma tamata avyai ralarira ilaꞌa ra kaꞌi rfalak naꞌa afa ovi musti rotu, ovu afa ovi wol bisma rotu a, wean lahir Musa ni inukun avyai, na afa yai ihin a ne, ni inukun avyai rnaꞌa roak ralarira ilaꞌa ra. Afa yai kena, velik ne tamata ovi wol Yahudi ra wol rira Musa ni inukun avyai.

Roma 8:4

Ubu notu wean inyai, boma teluk tamata ovi rira vavaꞌat ra rmalola naꞌa wahan ralan a, wean afa ovi rfadoku roak naꞌa Musa ni inukun ra. Ita wol tot-orang ininan sian ovi rtali tenadida ra, naꞌuk torang watan ininan i ntali Ubu Ni Roh.

Roma 7:25

Ufadawang Ubu i nfatalik yaꞌa tali matmatan ni ngrebat a, nahu dida Duilaꞌa Yesus Kristus. Ba tali ralang ilaꞌa a, na usoak verin Ubu Ni inukun ra, naꞌuk tali ning fikiran wean tamata a, na usoak verin salasilan a.

Roma 7:22

Yaꞌa ralang lolin urun, tevek Ubu Ni inukun ra.

Kisah 21:25

Tamata ovi wol Yahudi ira naꞌuk rorang roak Yesus, ami amala roak surat verin ira, ma deka raꞌan afamtahan ovi rala roak verin walut ra, deka renu te raꞌan lara, deka raꞌan afwatan ovi rfungal ma rfedan ira, ovu deka rsifa tia ma watan ovu tamata ovi wol awarira verin ira.”

Kisah 16:4

Nata rtali ahu isa rti ahu isa ma rsurak tamata ovi rorang Yesus. Ira rfamalik verin ira naꞌa afa ovi rasul ra ovu dawan kareda ovi reluk penatua naꞌa Yerusalem rfadoku roak a, boma sidovung tamata ovi rorang Yesus rot-orang.

Ibrani 8:10

Naꞌuk veka otu Ning tnorung ngorvaꞌan verin tamata Israel ra wean ini: Naꞌa amar ovi veka rma ini, na Yaꞌa veka ufadoku Ning inukun ra naꞌa rira fikiran ra, ovu veka utulis inukun avyai naꞌa ralarira ra. Yaꞌa veka eluk Ubu verin ira, ovu ira veka reluk Ning tamata ra.

Kisah 15:28

Ubu Ni Roh ntorung roak, ovu ami amtorung vali, boma deka amala varvara aleman verin mia, ba amala watan varvara ovi byar-nala, wean ini:

Galatia 6:2

Mia musti msyilobang mia naꞌa bira susa ra, tevek wean inyai, na myot-orang roak Kristus Ni inukun a.