1 Korintus 7:16 - Surat Ralan na'a Vaidida

¹⁶ Mia musti mingnanang ne, vata ovi myorang Yesus, kaꞌa bi bisma mlyobang awabira ra ma rorang vali Ia. Brana ovi myorang Yesus, kaꞌa bi bisma mlyobang awabira ra ma rorang vali Ia.

1 Korintus 7:16 Referans Kwoze

1 Korintus 9:22

Wean i unaꞌa tamata ovi rira inorang a wol nangrebat obin waharira ralan ra, na otu ma felang a wean ira, boma utung ira ma rorang Kristus. Wean i unaꞌa tamata iki watan waharira ralan ra, na ukati afa ovi otu ra, boma utung tamata boku ma rorang Kristus.

Roma 11:14

Otu wean inyai, na snain ot-nala ma ning tamata Yahudi ra inar urun kalolin ovi mia, tamata ovi wol Yahudi ra bira roak, tevek Ubu notu ma bira vavaꞌat ra rmalola. Inak ma tamata Yahudi rsiꞌik kalolin i myala roak yai, boma boku tali ira inar ma rorang vali Duilaꞌa Yesus, wean lahir mia. Wean i rorang Ia, na Ubu veka nsikat ira tali rira salasilan ra, ma rira vavaꞌat kakiwal.

1 Timotius 4:16

Msiꞌik ma lolin mu vavaꞌat ovu afa ovi mair ra. Ivaꞌum ma fwabana afa ovi air roak verin oa. Motu wean inyai, na Ubu veka nsikat oa ovu tamata ovi rarenar mu vaivatul ra, tali bira salasilan ra, ma bira vavaꞌat kakiwal.

Lukas 15:10

Wean vali inyai verin Ubu Ni sansinir ra naꞌa lanit ratan, ma veka inarira lolin urun, tevek tamata salasilan isa nahil roak tali ni salasilan ra.”