1 Korintus 5:12 - Surat Ralan na'a Vaidida

^12-13 Yaꞌa wol bisma ufaleka inukun verin tamata ovi wol rnaꞌa sidovung tamata ovi rorang Yesus, tevek wol ning varvara yai. Ubu aꞌuk saꞌi nfaleka inukun verin ira. Naꞌuk mia tamata ovi myorang Yesus bisma fyaleka lahir inukun verin terabir-valibira ovi rotu salasilan naꞌa bira sidovung a. Tevek rtulis roak naꞌa Surat Ralan ne, “Milaꞌing vatuk tamata ovi rotu afa ovi sian ra tali bira sidovung a.”

1 Korintus 5:12 Referans Kwoze

Markus 4:11

Yesus nfalak verin ira ne, “Ubu notu ma fyan-aran afa ovi Ia wol nfavotuk obin verin tamata ra naꞌa i wean inba ma nfareta tamata ra wean lahir Raja. Naꞌuk verin tamata liak ra, na air ira ovu vaivatul kamkuma ra,

1 Timotius 3:7

Tamata ovi wol rorang Yesus musti ralang vali tamata i inan ma neluk dawan kareda i nban-ulu. Tevek wean i wahal, na tamata ra veka rfalak sian ia ovu nitdawan veka nlabir nala ia.

Lukas 12:14

Yesus nfalak verin ia ne, “Iki nsikat yaꞌa ma eluk tamata fareta ma usiduk bira metan ra?”

1 Tesalonika 4:12

Wean i bira vavaꞌat wean inyai, na wol fyakloꞌi bira vavaꞌat ra verin tamata liak, ba tamata ovi wol rorang Yesus veka ralang mia.

Kolose 4:5

Naꞌut i mia tamata inorang ra mimunuk tamata ovi wol rorang Kristus, na musti ralabira urun naꞌa afa ovi myotu ra, ovu afa ovi fyalak ra. Deka miwahak bira amar, naꞌuk mdyava lingaꞌan ma fyamalik Duilaꞌa.

Yohanes 18:36

Yesus nfalak ne, “Ning fareta wol ntali lanit ivavan a. Wean i Ning fareta ntali lanit ivavan a, na Ning tamata ra veka rotu ma vangoa-vanga, boma deka rala Yaꞌa verin tamata Yahudi ra. Naꞌuk Ning fareta a wol ntali lanit ivavan a.”