Matiyu 7:28 - Mono Agowe

²⁸ Pigoya, Isu ma kamana uma a'ya ataogini abimagini pami puntawe.

Matiyu 7:28 Referans Kwoze

Aruku 4:32

Kana kamana uwaimomepa kiya kina'mi yumesa kamana yogini abite pami puntawe.

Maka 1:22

kana kamana yomeka abite pami puntawe. Piya, Isuba mono tisa kina'mi kamana nane. Kiya kina'mi yumesa kamana uwaimogini, abite pami puntawe.

Yoni 7:46

irebu kina igeba: Aeba kamana yemipa, ka'isa kina'mi yesapa kampa iye, untawe.

Maka 6:2

Pigoya sabati yagaba mono namapinti wama kamana yogini, uwoma kina'mi abite pami puma maya untawe: Ma ntagara aetasabaya kana kamanapa maeye. Aetasabaya ma aogi napiyenaba maeye. Aya pumabaya kampa agaompentana aewapa esegima piye.

Aruku 4:22

Piya yogini, igeba awamupisa iga kamana'wapa abima pami pumagini: We, aeba Yosepe ntagarawe. Ayamabaya aogi kamanapa iye, untawe.

Yoni 7:15

Mono yogini, Yuta kina'miba uwoma nkigi napimagini maya untawe: Ma ntagaraba ayamagina awa'ena aisiye: Aeba awa'ena namapipa kampa mintanti'nawe, untawe.

Matiyu 22:33

Kamana piya yogini, wa waya a'ya'ma kina igeba mono yomeka abima pami puntawe.

Aruku 19:48

Aiyuguna, kamana'wa yogini a'ya'ma uwa kina'miba abima aeka tabera ibuntika, aegukena kipa kapa kampa aborantawe.

Maka 11:18

Uwaimogini, tabe mono kiye kina'mibe mono tisa kina'mibe kana pomentanaga abite, Isu aeguyigina purikibi kamana untawe. Piya, a'ya'ma kina'miba Isu kamana abite pami puma i'mu puguni, kana mono kiye kina'miba pika napima, Isuka iyekuru puntawe.

Matiyu 26:1

Pigoya, Isu aeba pi kamana uma a'ya atate abagi kina'wa maya uwaimintiye:

Matiyu 11:1

Isuba nagisarisa tara tumpaema abagi kina'wa kamana piya uwaimiwaetate atate, to kumati mono uwaimirite wantiye.

Matiyu 19:1

Pigoya Isu aeba toma toma kamana uma a'ya atate, Karariya maba atate Yontani wani mparoteri ura'ema wama Yutiya irosantiye.

Matiyu 7:27

Kimaraogana, tabe ka aema wani pa'ma iguguya pumagina kana namapa akasakasu pa'wantiye, piya untiye.

Matiyu 7:29

Piya, aeba mono tisa kina'mi yesa kamana nane. Aeba kiye kina'mi yesa puma uwaimintiyema, untawe.

Aruku 2:47

Piya uwaimogini abite a'ya'ma pi kina'miba pami puntawe.

Aruku 7:1

Isu aeba wasana mono kamana a'ya uwaimitategina Kapaniyamu kumati wantiye.