Matiyu 21:44 - Mono Agowe

⁴⁴ (Pigoya wasana ka'waina pi wa'ega yara aeguma au aerisa puma aikiye. Pipa pi wa'ega yawamaba pipa wasana to ka'waina abobora tumpa waima aeguma aigiseba'ma aerisa puwakiye, Isu piya untiye.)

Matiyu 21:44 Referans Kwoze

1 Pita 2:8

Eya, wasanami nkigisa aimisagakena yabantana pukiye, iye. Tabe yabankamaba ipasanakini ware'nakibewe, iye. Piya, igeba Koti kamanapa akayuyiginaba, pi kamana'amaba igisaba aimisagakini ware'nakibewema, Kotiba paipa piya uwaitantine.

Aroma 9:33

Pika mono isa'ama maya iye: Abiyo. Saiyoni kuma, Yuta kina'mi kuma, pita atao ntabapa wasana igisa aimisa'ma ware'nakena esegi yaba atauwe. Pi ntabankama aega'ma amatiti pikibi'naba anipa kampa pikiye, untiye, iye.

Aruku 20:18

To ka mayama amato puma untiye: Piya, wasana ka'waina pi wa'ega yara aeguma au airisa puma aikiye, iye. Piya, kana wa'ega yaba abobora takuma tumima aeguma ata puwaikiyema, untiye, Isu untiye.

Matiyu 27:25

Piya yogini igeba iwamu ka'i ka'i: Kanarane, untawe: Pi kaintanaba taebe taga'nugitibe taeti waikiye, untawe.

1 Tesaronaika 2:16

Piya, taeka: To marisa kina uwaimigina, i'ima aogi pusanaga, akutatakena puntawe. Piyama aguntaenawaipa maema anosama ago tabe puntaka, Koti nkamo'enawampa igeti ankwaintiye.

Matiyu 26:24

Piya, Wasanama Ntagara naeba mono kamanata unatanti ki'i wakuwe. We, Wasanama Ntagara naepa minaga punatakibi'naba ataenabi mikiye. Piya, pi ntagarapa wasanama kampa yakari potantesinta, kanara pesine, Isu untiye.

Yoni 19:11

Piya yogana Isuba maya omintiye: Inatisa yagara Koti kampa owe ugatantemisinta, naepa ka'ena kampa punatampesine. Piya, kaeti unata kina'mi kaintanawaimpaba kaepa asugagasaye, untiye.

Matiyu 21:43

Pika urimukuwa abiyo: We Yuta kina, Koti kabiratakenaenaba tigetisa tipa'ma to aoso kina, mono au'wapa maema aborakibe kina imikiye.

Matiyu 21:45

Meto kamana piya yogini monotasa tabe kiye kina'mibe Parasi kina'mibe igeba abibebe pumagini: We, pipa taeka iye, untawe.

Aruku 2:34

Piya, Simiyoniba igepa akayona puwaitamagina, kana yagarantowampaka Mariya mayama omintiye: Abeno. Ma ntagara aepisa Isureyo kina pako pikibeka Koti ago untine, iye. Uwoma Isureyo kinapa aetasa asesepa'ma ware'nakibewe, iye. Piya, ka'isa kina igeba aeti uma atokaema asikibewe, iye. Pi ntagaraba uwoma kina'mi ntapikenaenawaipa aborakiye, iye. Piya, aeba Kotipisa aboragini, aeka uwoma kina'miba imo kamana otaigina, pigo kaegapa tabera kantara pikibene, Simiyoni piya omintiye.