Matiyu 13:14 - Mono Agowe

¹⁴ Pigoya, igeka Aisaya meto kamana mayama kaenti, pi'na esegi piye: Igerasa uwa abintiniba igutasaba kampa aogima abibebe pikibewe, iye. Piya, iyorasaba agantiniba kampa aogimagini agabebe pikibewe, iye.

Matiyu 13:14 Referans Kwoze

2 KORINTI 3:14

Piya, napiyenawaipa akumpa esegi puwaitagini igeba paisa utawaitanta ago kamana aisepa, agowapa kampa aogima ntapiyewe. Kampaye. Piya, kana kai atupa iyora uwa waintegini kampa maegasima agawe. Kampaye. We, wasanamitaba Karaisititi atokaeyakana maegasaka agakune. To kipa kampaye.

Aruku 8:10

Koti kabiratakena kamana kakama waintipa, tigemana abiyoma untine. Ka'isa kina'miba igeba meto kamana agowa kampa abikibewe. Piya pumagini iyoma kagagate, ka'enaba kampagini agabebe pikibewe. Piya, igerasaba kamana abikena pugagate agowapa kampagini abibebe pikibewe, untiye.

Maka 4:12

pigoya Aisaya pai kaemarantisa puma iba mayaenaba pewe: Igeba abepa agowapa kampa abewe. Agapa agowapa kampa agawe. Piya, ago aogima abesinta aguntaenawai ataigina, Koti mae igasasine, Isu piya uwaimintiye.

Aroma 10:16

Pigoya, aogi mono kamanapa ka'isa kina'miba kampa abewe. Pika Aisaya maya untiye: Wa'ega, kamana yoganaba taepisa ke abima aegarayema, abigantiye.