Matiyu 11:29 - Mono Agowe

²⁹ Piya, naeba nanta nagu paruyenanentaga mintoka, kanamagiri miminte tibota atama agonepa ampa abibebe piyo. Piya pigina tigu timankamaba migarano.

Matiyu 11:29 Referans Kwoze

1 Yoni 2:6

Eya: Aeti atokaema mima nasuwe yemi'naba Karaisiti nasisa puma naseno.

Yoni 13:15

Naeba pintanaba puriyakuwa, tigeba iba tiyakontanaba pabiyama puma miyiyo.

Matiyu 7:24

Pigoya, wasana ka'waina ma kamana'ne abima wasikibipa, aeba napi napi yagara ae awametane. Pi ntagara aeba namankapa u takaitasa nama kintiye.

Iburu 5:9

Piya, Isu aeba abibebe pumagina, Koti nkaobi aota'enaraka'ya puma, a'ya'ma ae awamu wasiyompe kina'mitepa tau'ima miyaba mikenaenama agoba aborantiye.

2 KORINTI 10:1

Nae Porona, naeba Karaisiti nkagoyaenawape anta paruyenabe napima ka'isaenagaba urimuwe. We, ka'isa kina'miba naeka maya yewe: Aeba tae taora mintanaba agewapa maete tumimagina, pagasara mintanaba aeba esegi kamanapa urataye, yewe.

Matiyu 28:20

Aibumagiri kamana uriminto kamana uwaimigini wasiwaeyiyo. We, tigeba abiyo: Naeba a'ya'ma yagaba asi nasima tigege miyekana pi kanapa a'ya pikiye, Isu piya untiye.

Piripai 2:5

Pigoya, Karaisiti Isu napiyisa puma, tigeba ka'masa puma napiyiyo.

Matiyu 21:5

Tigeba Saiyoni kumatasa kinapa maya uwaimiyo: Abewo. Wa'egari aeba aguparuyenawaka uma tonki yaga akabapi mima tigeti waye, iye. Pika aikeri yaga akabata mima waye, piyama kaentiye.

2 KORINTI 10:5

Eya, taeba Koti nkesegiyenabisa wasanami ntapiyenawaipa akayumagi, a'ya'ma Koti agakena ki akunikena agebigo'enaba maema metamagi, a'ya'ma kina'mi ntapiyenaba iga'na potama Karaisiti nkawamu wasiyiyomawe.

1 Tesaronaika 4:2

Tigeba ago abintawe. Wa'ega Isu, ae awamu mima kamanapa urimintune.

Yoni 13:17

Pigoya pi kamanapa aogima abibebe pumagiri pabi nkawameta miyiginaba aogi pikiye, untiye.

Matiyu 17:5

Piya yogana, pabigo wae ibinankama tumimagina itikaewantiye. Aibogana ibinankama antabaipintisa kamana ka mayama tumintiye: Mepa nabugai ntagaranene. Tabera na'mu potauwa, ae kamana abiyo, untiye.

2 Tesaronaika 1:8

Kotika kampa ibuma, Isu Wa'egarempa nkaogi mono kamana'wa kampa wasiye kina, igepa kamparaga ika antota meru imikiye.

1 Korinti 9:21

Piya, ago kamana kampa abinta abe'isa kina iba pukenaga, ige iyobi abe'isa kina kanta puntone. Naeba Koti nkago kamana kampa ataopa, Karaisiti nkago kamanapa aega'ma piya puntone.

Aposoro 7:37

Pigoya, Mosese aewa tayabama Isureyo kina maya uwaimintiye: Koti aeba tiyokina'mi abakapisa poropete nae kanta yagara ka aborarimikiye, piya untiye.

Aruku 8:35

Uwaimuguni igeba pintana aborantika agakena irosa'ma kanama, Isuti ampa agantawe. Pigoya, pi uwoma ke kina antabaipisa irosa'waume ntagaramaba aotasaena wantaga kamana wantaga Isu nkagora mintantiye. Piya pogini, wa waya'miba agate iyekuru puntawe.