Yuda 1:20 - UPANGANO UPYA

²⁰ Leelo mwemwi yakundikwa, muukule apa usumilo wino uno waswepesha, nu kupepa muli Mweso Nswefu,

Yuda 1:20 Referans Kwoze

Aefeso 6:18

Uku mapepo yoshi nu kupapata muwe nunte wa kupepa muli Mweso, nu kuchesya uku chintu chiyo nu kukonka um-kupepela aswefiwa yoshi.

1 Kolinto 14:15

Chili uli leelo? Nampepa ukumweeso, na nampepa nu ku mano kwene: nannunda ukumweeso, kaili nannunda nu ku mano kwene.

Akolosai 2:7

Muwe misisi yi sinda, mukulwe muli Wenewe, wamukomya uku kusumila, ndi fino mwasambiliziwe, angi mulusamalisha.

1 Tesalonike 5:11

Ichino tekeshani nu kukushanya unji nu wachakwe, ndi fino muluchita.

1 Kolinto 14:26

Ali chili uli yachane? Pano mwakongana alawi angali nu mwimbo, nunji isambilizyo, nunji nuswelulo, nunji umvwango upya, nunji asenula; ifintu vyonsi viombeke uku kukuzya.

Aloma 8:15

Kuno mutapokelile umweso-wa-usha, uno uku-leta kaili ngofi; leelo mwapokelile uMweso wa kuchitwa ana, kuli weneo tulwita: Aba, kuli kuti: Tata.

Agalatia 4:6

Na kuno mwemwe mwawa yana, Leesa watumile Mweso wa Mwanakwe um-myeso itu, wino alulila, ati: “Aba;” alikuti: “Tata,”

Aefeso 4:29

Iswi lyonsi iipe litachifuma um-milomo ino, nkambi lino lyazipa lino lingakuzya wino alusita, ukuti lizipile yano yalulipulika.

Milimo 9:31

Apano ikongani lyatekana um-Yudea yoshi ni Galilea ni Samalia; lyawa liluwa nu kukula un-chopo cha Mwene nu utekano wa Mweso Nswefu.

Aefeso 4:16

Muli wenewe umwili wonsi ulimbikana nu kulemana ukukwazwana kwa vyai vyonsi, ukuyana nu kuomba kwa chila chai chonga chonga vikulukuzya umwili undukundo.

Aefeso 4:12

uku kukomya aswefiwa, kuti unnimo uombeke, nu mwili wi Klisto ukulwe.

Milimo 26:18

uyalansye nu kuyaseleula yasye ichanda nu kuseleukila umwengelela, yate na maka yi Shetani, nu kuungama kuli Leesa, kuti yelelwe amaifyo yao, nu pyani kuno yali yano yaswefiwa uku usumilo uno uli kunondi.’

1 Yoane 5:4

kuno chonsi chino chavyalwa na Leesa chikupota ivya kunzi. Na kuo ali kupota kuno kulupota ivya kuno ukunzi, usumilo witu.

Yakobo 2:22

Walola fino usumilo waomvile ponga ni milimo yaakwe, na fino usumilo ulye wafikilile uku nzila ya milimo.

Tito 1:1

Paulo umuofi wi Leesa nu ntume wi Yesu Klisto, uku nnandu wa usumilo wa yasololwa yi Leesa, nu kumanya kwa chumi, kuno kuine ichopo-kuli-Leesa.

1 Kolinto 10:23

Kusi chino chashilishiwa, leelo asi vyonsi fino vyazipa. Kusi chino chashilishiwa, leelo vyonsi vitakukuzya.

Aloma 15:2

Chila ntu pali sweswe azifizye uwachakwe, azane uzipe nu kukuziwa.

Milimo 15:9

Nga atali nu solozi pali sweswe nayo, ayaswefya imyenzo yao uku usumilo.

2 Timoteo 1:5

Kuno nelengula usumilo uno uli nao uno usi wa ufi, uno intangulo wali muli nyokokulu Loisi, na muli nyoko Yunise, nene manyile ningo fino newe kwene uli nao.

1 Timoteo 1:4

Nanti ukulanga ummweso ifilai nu kulondosya kafumo ki yatata-kulu kuno kutakusila, fino viluleta ulupaka, navyo asi maka yi Leesa yano yali um-usumilo.

1 Kolinto 1:8

Wino alumukomya fika ni mpelelekezyo, kuti mutasumbikilwa apa wanda wa kwiza kwa Mwene witu Yesu Klisto.

Uswelulo 13:10

Untu ngalusenda azya, alusendwa unzya; untu ngi umola uku mpanga, alufwila uku mpanga. Alapa ali pa kutekela nusumilo wa yaswefiwa.

Yuda 1:3

Yakundikwa, pano nachisile unte ukumwandikila amaswi ya ufyusi nao uwitu swensi, nawine fino chindungime ukumwandikila nu kumusunda, ukuti mulwile usumilo uno yapilwe aswefiwa iila lyonga mpela.

2 Petlo 1:1

Simeoni Petlo umuofi nu ntume wi Yesu Klisto, kuli yao yano yapokelile usumilo usipe ichili chonganeswe, un-chumi chi Leesa na katula witu Yesu Klisto.

Milimo 6:7

Ngiswi li Leesa lilimba n alondeshi yavulisya um-Yelusalemu, apalinji na yakapela tupu yachindika usumilo uo.