Yoane 8:44 - UPANGANO UPYA

⁴⁴ Mwemwe yana yi Shetani, ni tama yi so wino isino mwakasama ukuchita. Wino wali umumosi fuma intangulo, atimilile icha chumi, kuno musi chumi um-nkola. Pano alufwanga intumpu, akuluufwangila apa lwakwe, kuno wene uwa ufi, ali isi wa ufi.

Yoane 8:44 Referans Kwoze

Milimo 13:10

ati: “We wazyula uchenjezu nuipe onsi, mwana wi Chiwa, siluembu wa chumi chonsi, utaluta ukunyonganika inzila zya Mwene zino zyololwike?

1 Yoane 3:12

Asi wi Kaini wino wali nu njipe, wumola uwachakwe. Nawe wamumolile chani? Kuno imilimo yaakwe yalile yaipa, ni ya wachakwe yali iya chumi.

2 Kolinto 11:3

Leelo ndopa, ndi fino isoka ilye yasosishe Eva uku uchenjesu wakwe, nemwe kwene amelengusi yino yalowane, mute uololosi nu swefu muli Klisto.

Uswelulo 12:9

Ichizoka chilye chikulu chasumbwa un-nsi, chizoka cha kali chino yakuluti Chiwa na Shetani, wino akuluzosya insi yoshi. Wasumbwa pansi na yamalaika yaakwe yasumbwa ponga nawe.

Yoane 8:38

Fino nawine kuli Tata ifino ndulanda; nemwe kwene ndi fino mwapulike kuli yaso ino, ifino muluchita.”

Yoane 8:41

Mwemwe muluomba imilimo yiso wino.” Yannenile, yaati: “Swemwi tutafilwe uku upundu, swemwi tuli na Tata wenga, nawi Leesa.”

1 Yoane 3:15

Wensi wino watuwa uwa chakwe, umumozi, nemwe mumanyile fino umumozi wensi atakwite upuma wa manda ti muli wenewe.

Mateo 13:38

Ichalo chiyo iisi; nimbesu nsiipe shiyo a yaana ya weene; ni fikoona a yaana yi wilye unjiipe.

Yuda 1:6

Nayamalaika yano yataukosile akola, leelo yasya amikalo yao yano yayasipile, wayanyepa uku ng'anda-ya-minyololo manda ti uku chanda, ukulolela uwanda wa kuputula imilandu yao apa wanda ukulu.

1 Yoane 2:4

Wino aluti: Nemwi mmanyile, nga atalemile amasunde yaakwe, wene uwa ufi, nanti chumi atakwite.

Uswelulo 21:8

Leelo aya ngofi na yano yatasumile, na autakati na yumozi, napundu, nalozi, na yao akupepa myao, na yaufi yoshi, uwikalo wao umuli yemba wilye uwa moto ni sanku; alai ali mfwa ya uwili.”

1 Petlo 5:8

Mutekane angi mulamwike. Kuno kapingula wino, Chiwa, aluswaswata wi kalangu alung'onta, angi alusita untu wa ku sonsomela.

Uswelulo 9:11

Yali numwene wao, nawe imalaika wa kwazimu; izina lyaakwe uku chiEblania: i-Abadoni, nu ku chiGliki: i-Apolioni.

Milimo 5:3

Nga Petlo wavwanga, waati: “Anania, uku chani Shetani watakuzuzya umweso wako ukuifya Mweso Nswefu, nu kusya impia zimwi isha chalo ukumbali?

Yoane 6:70

Yesu wayanena, waati: “Chene! nene ntamusolwile mwemwe ikumi na yaili, na wenga pali mwemwe iSyetani?”

Uswelulo 2:10

Utachopa machulo yano yankusana. Lolini, chiwa wiyo alumutela yamwi um-minyololo, kuti mwesiwe; nemwe mulusunyiwa amanda ikumi. Uwe nfumi wa chumi fika nu kufwa, nene ndukupa Inkata ya Upuma.

2 Petlo 2:4

Kino ndi Leesa atayalekile yamalaika yano yononile, leelo wayasumbile un-chilina, wayanyepa um-finyepelo fya chanda, yalulolela uputusi wa milandu,

Uswelulo 13:14

Nayo iluzosya yano yatenzi umunsi uku vilangizyo vilye fino yapiwa ukuchita apa nkala iyo. Yanena yano yatenzi umunsi yachite ichilui ku nkala iyo, yino yali nuluma lwa mpanga, leelo lwapola,

Uswelulo 22:15

Ukunzi kuo kuli imbwa, nalozi, napundu na yumozi na yano yakupepa imyao, na wensi wino wakunda ufi, nu kuuvwanga.

Mateo 12:34

Mwe yaana ya soka, mungafwaanga uli ivizipe ndi mwaipa? Kuno unnomo ukuvwanga fino fili um-mweeso.

Mateo 13:15

Kuno imyeeso ya antu ya iminwamu, nu ku makutwi yao yatalupulika niingo. Yashiyata amaaso yao, yaatiza yalole uku maaso yao, nu kupulika uku makutwi yao, yamanye ukumyeeso yao, yasenuke njaposhe.’

Yoane 7:17

Untu ndakasime ukuchita fino akasime, alumanya ifya masambilisho yao, ndi yafumile kuli Leesa, nanti ndi ndufwanga ifya ku mweso wane sile.

Yoane 8:55

Leelo mwemwi mutammanile, leelo nemwi immanile; ngi nalanda ukuti: “Ntammanile, namwa wa ntumpu wi mwemwe; leelo mmanile niswi lyaakwe ndilemile.

1 Yoane 1:8

Ndi tuluti: tutakwite amaifyo, tuluusosha swe yakola, nanti chumi tutakwite.

1 Yoane 2:21

Ntamwandikile mwemwe kuno mutamanyile chumi, leelo kuno muchimanyile. Na kaili fino kusi ufi nanti umwi uno ufumile un-chumi chiyo.

Milimo 24:9

aYudea nayo kwene yazumila, yaati ifintu vi umuli-mo.