Yoane 7:16 - UPANGANO UPYA

¹⁶ Ichaleka Yesu wayanena, waati: “Amasambilisho yane asi yane nene, leelo ayi wino wantumile.

Yoane 7:16 Referans Kwoze

Yoane 14:24

Untu wino atankunsile, atalemile amaswi yane; niswi lino mulupulika lisi lyane, leelo ilyi Tata wino wantumile.

Yoane 14:10

Utasumile fino nene ndi muli Tata, na Tata ali muli nene? Amaswi ya yano ndumunena nene, ntaluyafwanga apa lwane, leelo Tata wino ali muli nene, aluomba imilimo yaakwe.

Yoane 17:8

Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.

Yoane 5:30

“Nene ntangi nchite chimwi nenkola; ndi fino ndupulika ifino nduputula, nuputusi wane uwa ningo, kuno ntalusita fino nkasime nenkola, leelo fino akasime wino wantumile.

Yoane 17:14

Nene nayapa iswi lyako, nukunsi kwayatuwa, kuno yao asi ya kunsi, ndi fino nene asi ne wa kunsi.

Yoane 8:28

Nga Yesu wayanena, waati: “Pano mwacha mwakatusha uMwana-ntu, apano mulumanya fino nene ndi wenewe, nukuti ntaluomba chimwi, apa lwane nenkola, leelo ndi fino Tata wandangilile ifino ndufwanga.

Yoane 3:11

uMwenemo, umwenemo, ndukunena: fino lili lino tulimanile, tukululivwanga, na lino twalola tukululilanda, nu kulanda kwitu mutalukusumila.

Yoane 6:44

Kusi untu wino angisa kunondi, ndi Tata wino wantumile, atannesile-ko; nene ndumtutulula uwanda wa chisila.

Yoane 3:31

Wino aluwisa ukufuma umwiyulu, alusile yoshi; wino uwa munsi, wene uwa munsi, alufwanga ifya munsi. Wene wino alwisa ukufuma umwiyulu, alusile yoshi.

Uswelulo 1:1

Uswelulo wi Yesu Klisto, uno wapilwe na Leesa, alange aomfi yaakwe ifintu fino fitaluula ukwisa suwa. Nawe watuma ukwikasa lyi malaika wakwe, kunnandila umuofi waakwe Yoane,

2 Yoane 1:9

Wesi wino alupitilila, ngi atalwikala um-masambilisho yi Klisto, asi na Leesa. Wino atesi um-masambilisho yao, wene ali na Tata nu Mwana kwene.