Yoane 3:3 - UPANGANO UPYA

³ Yesu wannena, waati: “Umwenemo, umwenemo, ndukunena: untu ndi atafilwe amaila yaili, atangi alole uwene-wi-Leesa.”

Yoane 3:3 Referans Kwoze

2 Kolinto 5:17

Ichino ngu ntu umwi ali muli Klisto, wawa ichilengwa chipya: ifya kali fyoshi fyasila; lola fyoshi fyawa ifipya.

1 Yoane 3:9

Wesi wino wavyalwa na Leesa asuchita maifyo; kuno imbesu yaakwe ili muli wenewe; nga atangi achite ifyo, kuno wafyalwa na Leesa.

1 Yoane 5:1

Wesi wino azumile fino Yesu i Klisto, wafyalwa na Leesa; na wesi wino wakunda Wino wafile, alukunda na wino wavyalwa nawe kwene.

Tito 3:5

Nanti usu ku milimo ya chumi, yino twaombanga sweswe, leelo uku kukumbukilwa, uku kufulwa kwa kuvyalwa ilya uwili nu kuchitwa upya nu Mweso Nswefu,

Yoane 1:13

Yano yatafilwe uku wasi, nanti uku kukasama kwa mwili, nanti uku kukasama kwa antu, leelo kwi Leesa.

1 Yoane 2:29

Ngi mwamanya fino wene uwa chumi, manyini kwene fino wensi wino aluchita ivya chumi, wavyalwa nawe.

1 Petlo 1:3

Atensiwe Leesa, Tata wa Mwene witu Yesu Klisto, wino uku nkumbu shaakwe tupu, watufile ilya uwili, ukuti tuwe nutailo wa upuma, uku kututuluka kwi Yesu Klisto uku yafwi,

Agalatia 6:15

Kuno ukuchitwa ichibalu chisi chimwi, nanti kuntachitwa ichibalu chisi chimwi, leelo kuwa chilengwa chipya.

1 Yoane 5:18

Tumanyile fino untu wesi wino wafyalwa na Leesa atakuchita amaifyo; leelo wino wavyalwa na Leesa akuluusunga, nanti unjipe wilye atangi amwemye.

2 Kolinto 4:4

yano lesa wansi ii wapofusha amelengusi yao yano yatasumile, kuti yatachilola umwengelela wiswi-siipe ilya ukulu wi Klisto, wino ali ichata chi Leesa.

Yoane 12:40

“Wayapofusha amanso, wainwamika imyeso yao, yaatise yalole uku maso yao, yamanye uku myeso yao, yasenuke, njaposha.”

Aefeso 2:1

Nemwe kwene mwali yafwi uku nnandu wa ononi na maifyo ino.

Yoane 1:5

Nao umwengelela ukuluswefya un-nchanda, ni chanda chitangi chiusimye.

Yakobo 3:17

Leelo amano yano yalufuma umwiyulu, kuluta fyonsi, yasipa kaili aya utekano aya utonsu, yali zuwa ukupulikisya amaswi ya antu, yafyula inkumbu ni visêke vizipe, yatakuwilila, yasi nufi.

Yoane 1:51

Wannena, waati “Umwenemo, umwenemo, ndumunena: Mululola iyulu lyalepuka na yamalaika yi Leesa yalukwela nu kwika apa Mwana-ntu.”

Mateo 16:17

Yesu wannena, waati: “Inkata yaako, Simoni Bar-Yona, kuno umwili nu waaashi fitakulangilila fi. Leelo Taata uwa mwiyulu.

Mateo 5:18

Kuno mwenemo, ndumunena: kufika lino iyulu ni nsi filushila, yota yoonga nanti tonoontwa lyoonga lya Masuunde litalutiina, kufika na lino yooshi yawa.

Uswelulo 3:14

“Na kuli malaika wikongani lya ku Laodikea andika, uti: Wino ali Amina, Syuta wa kutailwa nu wa chumi, uwa ntangulo apa vilengwa na Leesa, wavwanga ifintu vi, waati:

Mateo 19:24

Ndumuneena kayili, changupala nkaani ntwanga-mweendo ukwingila umwiliina lya sindaani, kuleka ukuti uwa fyuma ukwingila um-weene-wi-Leesa.”

Mateo 21:31

Pali yao yayili, uwiini wino achisile ningo fino isi akasiime?” Yannena, yaati: “Uwilye uwa wili.” Nga Yesu wayaneena, waati: “Umwenemo ndumuneena: yakaliffa yikodi na yamalaya yalumutangwila ukwingila um-weene-wi-Leesa.

Malko 9:47

Ni linso lyako ndi lyaleka ulonona, lifyonkole, ulisumbe; chingakuya ukwingila um-wene-wi-Leesa ni linso lyonga lyafwa, apakuti uwe na maaso yaili nu kusumbilwa un-chilinkwe.

Malko 10:14

Leelo Yesu pano walola, atuwa nkani, ayanena, ati: “Lekini anche yanono yize kunondi. Mutachi yalesya, kuno anche ndi ya uwene-wi-Leesa uwao.

Yoane 3:4

Nikodemo wamtondosha, waati: “Angafyalwa uli untu ndi wawa uwikolo? Angingila un-nda yi nyina afyalwe ilya uwili?”

1 Yoane 5:4

kuno chonsi chino chavyalwa na Leesa chikupota ivya kunzi. Na kuo ali kupota kuno kulupota ivya kuno ukunzi, usumilo witu.