Yoane 3:2 - UPANGANO UPYA

² Wene waile. ushiku kunali, wannena, waati: “Labi, tumanyile fino we Kasambilisha wafuma kuli Leesa; kuno kusi untu wino angachita ifipeshamano fi fino uluchita wewe, ndi Leesa asi ponga nawe.”

Yoane 3:2 Referans Kwoze

Yoane 5:36

Leelo usyuta uno ndi nao nene, ulusile uwi Yoane; kuno imilimo ilye yino Tata Wampile kuti njiombe, imilimo kwene iyo yino nduomba, ilungimikila usyuta fino Tata wantumile.

Milimo 10:38

Amaswi yi Yesu wa ku Nazaleti, fino Leesa wampakile amafuta uku Mweso Nswefu na maka; nawe walîlanga ku na ku, angi aluomba imilimo mizipe, nu kupozya yoshi yano yaluchuziwa na chiwa; kuno Leesa wali ponga nawe.

Milimo 2:22

“Mwe yatata ya mwiIslaeli, pulikisyini amaswi ya: Yesu wa ku Nazaleti, untu wino walangiziwe kuno muli na Leesa uku maka ni vipezya-mano ni vilangizyo, fino Leesa wachisile ukwikasa lyaakwe pano muli, ndi fino mwe yakola mumanyile.

Yoane 9:16

Nga yamwi apa aFaliseo yaati: “Untu wi atafumile kuli Leesa; kuno atalondile uwanda wa Sabato.” Yamwi yaati: “Untu wa maifyo angachita uli ifipesha-mano ndi fi?” Kwawa ukupalunkana apa yakola.

Yoane 12:37

Leelo nanti fino wachisile ifipesha-mano tupu ndi kuti fiyo, apa maaso yao, yatachili yamsumile.

Yoane 1:38

Nga Yesu apepela ayalola yanndondile, ayanena, ati: “Mulusita chani?” Yannena, yaati: “Labi, (alikuti: Kasambilisha) ukuluikala kwi?”

Mateo 22:16

Yatuma alondeshi yao kuno ali poonga na ya Yelodi, yalaanda, yaati: “Kasambilisha, tumanyile fino weewe ntu wa kapaanga, ni sila yi Leesa ulusambilisha ningo, naanti utalondiile ukulu wa ntu, kuno utakulola uushu wa antu.

Yoane 7:31

Na antu ainji umwiumba yamsumila, yalanda, yaati: “Pano wacha wisa Klisto, Chene! aluchita ifipesha-mano tupu ukuluta fi fino wi aluchita?”

Yoane 20:16

Yesu wannena, waati: “Malia!” Nawe waseleuka, wannena uku chiEblania, waati: “Laboni!” (alikuti: Kasambilizya wane.)

Yoane 15:24

Ngangi ntali mbombe imilimo yino unji ataomfile ukuyakola, ngangi yatakwite amaifyo. Leelo kasalaka yailola na kututuwa nene na Tata.

Yoane 3:26

Yaya kuli Yoane, yaati: “Labi, wino wali ponga newe umbalama yi Yordani, wino wamtakanga, lolini, alubatisha, na antu yoshi yaluya kunali.”

Malko 12:14

Pano yafika yannena, yaati: “Kasambilizya, tumanyile fino wewe wa chumi, kuno utalondile uwikolo wa antu, nanti ukulola usyu wa antu, leelo ululangilila inzila yi Leesa ningo. Chiile ukupa Kaisali ikodi nanti awe? Tumpe, tutachimpa?”

Afilipi 1:14

Na achane tupu yano yali um-Mwene, pano yasimpa imyenzo yao apa nnandu wa kunyepwa kwane, yalusya nkani kulanda iswi lya Mwene nanti ngofi.

Mateo 23:7

Nu kulaulwa um-masokoni, nu kwiitwa na aantu: Labi.

Mateo 23:8

Leelo mweemwi yatachimwiita Laabi, kuno Kasambilisha wino ali weenga, neemwe mweensi mwe yali yoonga.

Yoane 2:11

Iyo intangulo ya filangisho Yesu wachisile uku Kana, un-nzi wa Galilea, wauswelula ukulu wakwe, na alondeshi yaakwe yamsumila.

Yoane 4:31

Uku chisila alondeshi yampapata yaati: “Labi, ulye.”

Yoane 6:2

Ni umba ikulu linndondela, kuno lyawine ifipesha-mano fino wachitile alwale.

Yoane 10:38

Leelo ngi nduwomba, nanti mutantaile nene, tailini imilimo kwene iyo, ukuti mumanye nu kupulika fino Tata ali muti nene, nene ndi muli Tata.”

Yoane 14:10

Utasumile fino nene ndi muli Tata, na Tata ali muli nene? Amaswi ya yano ndumunena nene, ntaluyafwanga apa lwane, leelo Tata wino ali muli nene, aluomba imilimo yaakwe.