Yoane 19:11 - UPANGANO UPYA

¹¹ Yesu wannena, waati: “Uwewe utali uwe na maka yamwi kuli nene, ngi utali upiwe ukufuma umwiyulu. Ichino fiyo wino antezile um-makasa yako ali ni yifyo ikulu nkani.”

Yoane 19:11 Referans Kwoze

Aloma 13:1

Chila ntu atontele amaka ya ukulu. Kuno kusi amaka yano yatafumile kuli Leesa, na yalye yano yali-po, yimikwe na Leesa.

Yoane 3:27

Yoane wayanena, waati: “Untu atangi apokelele chimwi, siko ndi wapiwa ukufuma umwiyulu.

Milimo 2:23

Untu wi wafimilwe ndi fino Leesa wakasime nu kukumanya kwakwe fuma kali, nemwe mwamkonkomile apa nsalaba uku makasa ya antu yakulukuwa, mwamumola.

Milimo 3:13

Leesa wi Ablahamu nu wi Isaka nu wi Yakobo, Leesa wi yatata itu, watakusha umuofi waakwe Yesu, wino mwamfimile mwemwe nu kumtaluka apa maaso yi Pilato, pano waputwile unnandu waakwe asapulwe.

Yoane 7:30

Nga yasita kuti yanneme, leelo kusi wino wakatwishe ikasa lyaakwe, kuti anneme, kuno amanda yaakwe yalile yachili yafike.

Yakobo 1:17

Ukufima konsi kuzipe nu wila onsi uile, vikufuma mwiyulu kuli Tata wa myengelela, wene atakuleoka, nanti ukuleta ichinzingwa cha kusenuka-senuka.

Mateo 6:13

Utatutwala um-mazosyo, leelo tukulule nUnjipe.

Yakobo 4:17

Ichino wino amanyile ukuchita ivizipe, leelo ataluvichita, kuli wiyo wenewe iifyo.

Aloma 11:36

Kuno ifintu fyoshi fyafumile kuli wenewe, fili uku maka yaakwe na kaili filusuwila kuno ali. Utensho uli nawe manda ti na ti. Chiwe fiyo kwene.

Milimo 4:28

Ukuti yachite chonsi chino ikasa lyako nu kukunda kwako vyasolwile fuma kali, kuti viombeke.

Mateo 27:2

Nga yannyepa, yankolesha yantwala kwi Pilato, wino wali unnâsi.

Malko 14:44

Na wino alumfima walile watayapa akamanyililo, ati: “Wino natoswela uwiyo kwene; innemini, mnsende ningo.”

Yoane 18:3

Nga Yuda pano wapiwa iumba lya asalifi, na aomvi yano yafumile uku yikolo iyakapela na aFaliseo, yaya kweneko ni tala ni vyaka ni vyanzo.

Yoane 9:41

Yesu wayanena, waati: “Ngangi mwe yapofu, ngangi mutakwite amaifyo, leelo fino muluti: ‘Tululola,’ ichino amaifyo yino yalipo.

Luka 22:53

Manda yoshi nali ponga nemwe un-ng'anda-nkulu-iyi-Leesa, mutakatwishe amakasa mundeme. Leelo kasalaka insaa ino na amaka ya chanda yamufikila.”

Mateo 26:65

Apano Kapela-nkulu walepola imyeenda yaakwe, waati: “Wafwaanga unsalula kuli Leesa; tulusitila yashuuta chaani kayili? Lolini, mwapulika unsalula waakwe.

Yoane 18:13

Intangulo yatana yantwala kwi Anasi, kuno wali isivyala wi Kayafa, wino wali Kapela-nkulu umwaka uo.

Yoane 19:10

Nga Pilato wannena, waati: “Utalunvwanzya? Utamanyile fino ndi na maka ya kukusapula nu kukumola?”