Yoane 17:3 - UPANGANO UPYA

³ Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile.

Yoane 17:3 Referans Kwoze

1 Yoane 5:20

Neswe tumanyile fino Mwana wi Leesa wata wisa, nawe watupa mano kuti tummanye uWa-Chumi. Neswe tuli muli wenewe uWa-Chumi, muli Yesu Klisto Mwanakwe. Wiyo ali Leesa wa chumi nupuma wa manda ti.

Yoane 17:25

Tata wa chumi, amunsi yatakumanyile, leelo nemwi nakumanyile, na yao yamanile fino wewe wantumile.

Yoane 3:17

Kuno Leesa atatumile uMwana ukuya munsi ukuti ayaputula imilandu, leelo aya munsi yafyukile kuno ali.

1 Yoane 4:6

Swemwi tufumile kuli Leesa. Wino amanyile Leesa, alutupulika; wino atafumile kuli Leesa, atalutupulika. Uku ifintu vi tumanyile uMweeso wa chumi numweeso wa ufi.

Yoane 17:23

Nene muli yeneyo, newe muli nene, ukuti yawe ningo paliponga, ukuti amunsi yamanye fino wewe wantumile, wayakunda ndi fino wankunda nene.

Yoane 17:21

Yoshi yawe ichili chonga ndi fino newe Tata uli muli nene, nene muli wewe, nayo yawe muli sweswe; ukuti amunsi yazumile fino wewe wantumile.

Yoane 3:34

Kuno wino watumilwe na Leesa, akululanda amaswi yi Leesa, kuno atakufumya uMweso uku kulinganya.

2 Kolinto 4:6

Kuno Leesa wino waatile: “Umwengelela ulochelesha ukufuma un-chanda,” uli wino wochelishe um-myenzo itu, atupe umwengelela wa kumanya ukulu wi Leesa apa maaso yi Klisto.

2 Tesalonike 1:8

un-chenje cha moto nu kulandula ichilandusi kuli yano yatamanyile Leesa, na kuli yano yatachindike iswi-sipe ilya Mwene witu Yesu.

Yoane 17:8

Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.

Yoane 14:26

Leelo uMwaswilisi wiyo, uMweso Nswefu, wino Tata aluntuma ukwisina lyane, alumusambilisha fyoshi nu kumwelengusha fyoshi fino namunenile.

Yoane 8:19

Nga yannena, yaati: “So alikwi?” Yesu wayanena, waati: “Inene mutamanile, nanti Tata kwene mutammanile; ngangi mumanile nene, ngangi mummanyile na Tata kwene.”

1 Kolinto 15:34

Muombele amano fino chiile nga mutachita maifyo, kuno yamwi yatamanyile Leesa. Nduvwanga fiyo kuti mukuzye imitwe. Mwili wa ntutuluko.

1 Tesalonike 1:9

Kuno akola yaluma imbila yitu, fino twingile kuno muli, na fino mwasenukile Leesa mwata imyao, kuti muombele Leesa wa upuma nu wa chumi.

Yoane 10:36

Chene! wino Tata waswefya, wamtuma kuno ukunsi, uwino mwemwe muluti: ulusula, kuno nalile, nti: “Nene Mwana wi Leesa?’

Yoane 7:29

Nemwi mmanyile, kuno nafumile ukwakwe, nawe uwino wantumile.”

Yoane 6:57

Ndi fino Tata uwa upuma wantumile nene, nene ndi nupuma kuli Tata. Ifino na wino wandya, aluwa nupuma kuli nene.

Yoane 5:44

Mungasumila uli mwemwe yano mulupokelelana ukulu mwenga, nukulu uu uno ufumile kuli Leesa wino ali wenga, mutaluusita.

Yoane 11:42

Nene manyile fino akulumpulika manda yoshi. Leelo uku nnandu wiumba li lino lili pa, ichino nafwanga fiyo, ukuti yasumile fino wewe uli wino wantumile.”

Luka 9:48

Wayanena, waati: “Wensi wino wacha wapokelela umwanche wi ukwishina lyane, aluwa watampokelela nene; na wensi wino wampokelela nene, alumpokelela wino wantumile. Kuno wino unnono pali mwemwe mwensi, wiyo ali unkulu.”

Malko 9:37

“Untu wino wapokelela umwanche wenga uwa fi ukwizina lyane, ampokelile nene; nu ntu ndi wampokelela nene, atampokelela asi nene, leelo wino wantumile.”

1 Kolinto 8:4

Ichino uku nnandu wa kulya ifintu fino vyafimwa uwila uku myao, tumanyile fino myao isi na maka kuno ukunzi, na fino kusi Leesa, leelo wenga sile.

Yoane 17:18

Ndi fino wantumile nene ukunsi, ifino nene kwene nayatumile ukunsi.

Afilipi 3:8

Endita, na nkani, ndusolozya ifintu vyonsi ukuwa ivya chaka, uku nnandu wa uzipe uno wavulisya uwa kummanya Klisto Yesu, Mwene wane. Wino kuli Wenewe nalovya ifintu vyonsi, navilola ukuwa wa mavi, ukuti inzane Klisto.

Afilipi 3:10

Ukuti immanye unkola na maka ya kututuluka kwakwe, nu uminkano wa machulo yaakwe, nu kufwa kwane nkolenkane nu kufwa kwakwe.

Aeblania 3:1

Ichino yachane yaswefiwa, yano mwisilwe kufuma mwiyulu wi sweswe kwene, mulolekesye nkani Untume na Kapela-nkulu wa usumilo witu, ali Yesu.

2 Petlo 1:2

Inkumbu nutekano fyungilisike kuno muli, un-kumanya Leesa na Yesu, Mwene witu.

2 Petlo 1:3

Kuno amaka yaakwe aya ulesa yatupa ifintu fyonsi yino fiile uku lipuma nu nchinsi-kuli-Leesa, uku kummanya wino watwisile uku ukulu nusipe waakwe unkola.

2 Petlo 1:8

Kuno ifintu fi ndi fyawa kuno muli nu kufulisha, fitalumuehita ukosu, nanti wa antu yano yasi ni fisêke, uku kummanya uMwene witu Yesu Klisto.

1 Yoane 1:2

Nupuma waswelwike, neswe twaulola na kaili tulwimikila nu kumusunda mwemwe upuma uo uwa manda ti, uno wali kuli Tata, watuswelukila.

1 Yoane 1:3

Lino twalola nu kulipulika tulumusunda nemwe kwene, ukuti nemwe kwene muminkane neswe. Nu uminkano witu uli onga na Tata, ponga nu mwanakwe Yesu Klisto.

1 Yoane 2:23

Wensi wino asumile uMwana, asi nIsi kwene; na wino alutaka uMwana, ali nIsi kwene.