Yoane 15:16 - UPANGANO UPYA

¹⁶ Asi mwemwe mwansolwile, leelo inene namusolwile mwemwe, nene namuwika muye mukasêke ifisêke, ni fisêke fino fikale, ukuti chonsi chino mwalomba Tata ukwisina lyane, amupe.

Yoane 15:16 Referans Kwoze

Yoane 15:19

Ngangi mwe yakunsi, ngangi ukunsi kwamukunda ali yaakwe. Leelo kuno asi mwe ya kuno ukunsi, leelo nene namusolwile uku yakuno ukunsi, ichino fiyo akunsi yalumutuwa.

Aefeso 2:10

Kuno swe milimo yaakwe, twaumvilwe muli Klisto Yesu, tuombe imilimo mizipe, yino fuma kali Leesa waiteinye, kuti tulondele mwenemo.

Luka 6:13

Nga pano kwacha, wayita alondeshi yaakwe, wasolola ikumi na yaili pali yeneyo, ayano waatile: “Imitume.”

Agalatia 1:15

Leelo Leesa wino wampatwile fuma unda yi mama, wangita uku nkumbu zyaakwe.

1 Yoane 4:19

Swemwi twakunda, kuno unkola watangwile ukutukunda.

Milimo 22:14

Ati: ‘Leesa wi yatata itu wakusolwile kali wewe, kuti umanye fino akasi, unnole uWa-Chumi, nu kupulika iswi lino lifumile umu nnomo. wakwe.

2 Timoteo 2:2

Ni ifintu fino wapulike kuli nene apa maaso yi yasyuta tupu, ifino upe antu aya kutailwa yano yaine ukusambilizya anji.

Yoane 13:18

“Ntalumufwangila mwemwe mwensi; manile yaya yano nasolwile, leelo kuti Ilyandiko lifikilile ukuti: ‘Wino alile ichakulya chane, wankatusisha akantunta kakwe.’

Yoane 6:70

Yesu wayanena, waati: “Chene! nene ntamusolwile mwemwe ikumi na yaili, na wenga pali mwemwe iSyetani?”

1 Petlo 3:15

Leelo mwimike Klisto ukuwa uMwene um-myeso ino. Muuteyanye manda yoshi ukunena untu wensi, wino wamutondosha apa utailo wa myeso ino, leelo uku utekesu ni chopo.

1 Yoane 4:10

Alalu uli lukundo, asi kuti sweswe twalile twakunda Leesa, leelo fino unkola u wino watukunda sweswe, nga watuma umwanakwe ukuwa Kapulikanya uku maifyo itu.

Milimo 1:24

Yapepa, yaati: “We Mwene, umanyile imyenzo ya antu yoshi, utumanyisye uwini wino wasolola pali ya yaili,

1 Petlo 3:2

angi yalulola imiele ino iya ningo, yawe ni chopo.

Aloma 15:4

Kuno vyonsi fino vyatangwile kwandikwa, vyandikwe ukuti sweswe tusambilile, ukuti ukunte nu kukuteka myenzo um-Maandiko, tuleme utailo.

Milimo 9:15

Leelo uMwene annena, ati: “Pitanga, kuno wiyo ichivya chizipe kunondi, asende izina lyane apa maaso ya akulukuwa na ene na ana ya Islaeli.

Mateo 21:22

Ni ifiintu fyooshi fino mwacha mwalomba un-sala, ndi mwasumila, mulupokelela.”

2 Timoteo 1:11

Kuli lyenelyo nawikilwa imbwe kasunda nu ntume na kasambilizya.

1 Kolinto 10:11

Leelo fino fiyo vyayazanile ukuwa chilangizyo; vyandikwe uku kutusunda sweswe, yano twafika apa manda ya mpelelekezyo.

Aloma 9:21

Nanti nakamata, Chene! asi na maka ukwifu kama-ntwa lyonga ichivya chonga icha nchinsi ni chinji chino chisi nu nchinsi?

Yakobo 3:18

Ni chisêke cha mpomvu chikulupelwa um-uwelezyo kuli yalye yano yaluchita ifya kuwelesha.

Aeblania 11:4

Uku usumilo Abeli wafimile Leesa ichipelo chino chasipa ukulusha Kaini; ichino wimikilwa fino unfumi wa chumi, Leesa wamwimikila amawila yaakwe, ichino, nanti fino wafwa, achili alufwanga.

Tito 1:5

Ichino nakusile uku Klete, kuti uyanye ifintu fino fyashalila, nu kuwika ayikolo yi kanisa chila unzi, ndi fino natasile kuti uombe.

Akolosai 1:6

lino lizile kuno muli; Ndi fino lili un-nsi yoshi, nu kusêka ivisêke nu kukula, ndi fino lilukula kuno muli kwene, fuma uwanda uno mwapulike nu kuzimanyikisya nkani inkumbu zyi Leesa un-chumi.

Aloma 1:5

Wino muli wenewe twapokelile inkumbu nutume, kuti antu yoshi yachindike uku usumilo uku nnandu wishina lyaakwe;

Milimo 10:41

asu ku antu yoshi, leelo kuli yasyuta yano yalile yasololwa na Leesa, alu sweswe, yano twalyanga nu kunwa ponga nawe ichisila cha kututuluka kwakwe ukufuma uku yafwi.

1 Timoteo 2:7

Nene kuli weneo nawikwa imbwe kasunda nu ntume—nduvwanga ichumi, ntaluvwanga ufi, ne kasambilizya wa yantu yakulukuwa um-usumilo ni chumi.

Akolosai 1:23

Angi mukônkile usumilo angi muwisilwe pa chiimbili, nu kwimilila, ngi mutasenwilwe nu kuta utailo wiswi-zipe lino mwapulika, lino lyasundwa uku vilengwa vyonsi, fino vili kuno ukunzi, lino nene Paulo nawa umuofi.

Aloma 1:13

Leelo yachane, ntakasi kuti muta-manya imbalu, fino maila yinji nasitanga ukwisa kuno muli, chindesenkanya fika na li kwene, kuti imbwe ni fisêke kuli nemwe kwene, ndi fino ndi nafyo unjakulukuwa anji.

Milimo 1:8

Leelo mulupokelela amaka lino uMweso Nswefu wacha wamwikila pano muli, nemwe muluwa yashuta yane um-Yelusalemu num-Yudea yoshi num-Samalia na kuno insi ipezile.”

Mateo 7:7

“Lombini, neemwe mwapiiwa; sitini, neemwe mwanchisaana; kong'onshini, neemwe yamuyulila.

Yoane 15:5

Nene nsabibu, nemwe mwe matai; wino atensi muli nene, nene muli wenewe, uwino alusêka nkani, kuno ngi musi muli nene, mutangi muchite iswi limwi.