Yoane 12:41 - UPANGANO UPYA

⁴¹ Amaswi yao, wafwasile Isaya kuno wawine ukulu wakwe, walanda amaswi yaakwe.

Yoane 12:41 Referans Kwoze

Yoane 1:18

Kusi untu wino watana walola Leesa nanti limwi; uMwana wi Leesa wino ali pa chifuwa chi Tata, wafilwe wenga, uwino watulangilile.

Aeblania 1:3

Wenewe kuno umwengelela wa ukulu wakwe, ni chimanyisyo cha chata chakwe, wavisenda fyoshi ukwiswi lya maka yaakwe, pano wamala kuswefya antu ku maifyo yao, wikazile ukwikasa lya kwilunji ilya Ukulu umwiyulu.

2 Kolinto 4:6

Kuno Leesa wino waatile: “Umwengelela ulochelesha ukufuma un-chanda,” uli wino wochelishe um-myenzo itu, atupe umwengelela wa kumanya ukulu wi Leesa apa maaso yi Klisto.

Milimo 10:43

Uwino amalau yoshi yalwimikila, fino ukwizina lyaakwe wensi uwa mzumila, apokelele ukwelelwa kwa maifyo.”

Yoane 1:14

Nalyo Iswi lyaombike umwili, likala kuno tuli, neswe twaulola ukulu wakwe, ukulu ndi kuti uMwana wenga wino afumile kuli Tata, uwa nkumbu ni chumi.

Uswelulo 19:10

Nene napona apa mulu yaakwe, ukuti nsukamile. Wannena, waati: “Lola, utachichita fiyo! Nene umuofi nnyonko nu wu chako muli yano yali nusyuta wi Yesu. Sukamila Leesa! Kuno usyuta wi Yesu ali umweso wa malau.”

1 Petlo 1:11

Yasita ngi li nanti amanda chi yano uMweso wi Klisto, uno wali muli yeneyo, wayasontelile nu kwimikila inkolelo amachulo yano yalusana Klisto, nukulu uno uluwako ichisila.

Yoane 14:9

Yesu wannena, waati: “Inene nikala ponga nemwe amanda yoshi ya, newe utammanyile, Filipo? Wino wandola nene, walola Tata; nga wewe watuli ukuti: ‘Utulange Tata?’

Yoane 5:39

Mwemwe mululondola um-Maandiko, kuno mulwelengula fino palumwi muli nupuma wa manda ti muli yeneyo. Nayo ayano yangimikile usyuta.

Luka 24:27

Ayalandila um-Maandiko ifintu fyoshi fino fyannungime unkola, ukufuma Mose na malau yoshi.