Yoane 12:16 - UPANGANO UPYA

¹⁶ Ifintu fi alondeshi yaakwe apa ntangulo yatafimanile, leelo pano Yesu watensiwa, apano yisukila fino waandikilwe panali, na fino yachisile ifintu fiyo kunali.

Yoane 12:16 Referans Kwoze

Yoane 2:22

Nga pano watutuluka uku yafwe, alondeshi yaakwe isukila fino watasile fiyo, yasumila ilyandiko liyo niswi lino Yesu wayanenile.

Yoane 14:26

Leelo uMwaswilisi wiyo, uMweso Nswefu, wino Tata aluntuma ukwisina lyane, alumusambilisha fyoshi nu kumwelengusha fyoshi fino namunenile.

Yoane 7:39

Ni iswi liyo walilandile uku Mweso Nswefu, wino yano yanzumile yalumpokelela uku chisila; kuno uMweso Nswefu walile uchili aise; kuno Yesu walile achili apiwe ukulu.

Milimo 2:36

“Ichino ng'anda yoshi iya aIslaeli yamanye ningo, fino Leesa watamchita Yesu wino mwamkonkomile nu kumumola, ukuwa Mwene na Klisto.”

Yoane 12:23

Nawe Yesu wayanena, waati: “Lilifika ilyakuti uMwana-ntu atensiwe.

Aeblania 12:2

Tulolekeshange kuli Yesu, Katungulula na Kafikilisha wa usumilo witu, wino uku kuchimba kuno kwawikwa inkolelo yaakwe, wautwikile nsalaba nanti kulola insoni, nawe atensikwikasa lyi lunji ilya chisumbi-cha-ukulu ichi Leesa.

Aeblania 8:1

Ichino muli fiyo fino tulufwanga, ichintu ichikulu ichi: Tuli na Kapela-nkulu ndi kuti wi, wino wikala ikasa lya kwilunji ilya chisumbi cha wene umwiyulu.

Milimo 3:13

Leesa wi Ablahamu nu wi Isaka nu wi Yakobo, Leesa wi yatata itu, watakusha umuofi waakwe Yesu, wino mwamfimile mwemwe nu kumtaluka apa maaso yi Pilato, pano waputwile unnandu waakwe asapulwe.

Milimo 2:33

Nga pano wakweziwa afika ukwikasa ilya kwilunji ili Leesa, nu kupokelela kuli Tata ulanyo ulye wa Mweso Nswefu, atîta ichintu chi, chino mululola nu kuchipulika.

Yoane 16:4

Leelo namunena fiyo, kuti insaa ii pano yacha yafika, mulwelengula fino nene namunenile. “Ntachili munene fiyo ukufuma intangulo kuno nalipo ponga nemwe.

Luka 24:45

Apano wayayulila amano yao, kuti yamanye aMaandiko.

Luka 24:25

Nga ayanena, ati: “Fiwila mwe ivya myenzo minwamu iya kuntasumila fyoshi fino amalau yatasile.

Luka 18:34

Leelo yatamanyile chimwi nanti uche apa maswi yao, ni chintu chi chafisime kuno yali, yatamanyile chino alufwanga.

Luka 9:45

Leelo yatamanyile iswi liyo, lyafisime uku yakola, yatalimanya; yopa ukumtondosha ngi chili chani iswi liyo.

Yoane 17:5

Nga kasalaka Tata, unkushe nene ponga newe, uku ukulu uu kwene uno nali nao ponga newe intangulo ya kulengwa kwansi.

Malko 16:19

Ngu Mwene Yesu lino wavwanga nayo, wapokelelwa umwiyulu, wikala ikasa lyi lunji lyi Leesa.

Malko 9:32

Leelo yatalimanyile iswi liyo, yopa ukumtondosya.