Yoane 1:51 - UPANGANO UPYA

⁵¹ Wannena, waati “Umwenemo, umwenemo, ndumunena: Mululola iyulu lyalepuka na yamalaika yi Leesa yalukwela nu kwika apa Mwana-ntu.”

Yoane 1:51 Referans Kwoze

Milimo 7:56

Ati: “Lolini, nalola iyulu lyayulika nu Mwana-ntu awimilile ukwikasa lilunji ili Leesa.”

Luka 22:43

[Malaika ukufuma umwiyulu aya ampa maka.

Luka 2:13

Liyo kwene iumba ikulu lya mwiyulu lyali ponga na malaika wiyo, angi yalutesha Leesa nukuti:

Malko 14:62

Yesu avwanga, ati: “Ali nene; nemwe mululola Mwana-ntu atensi ikasa lya kwi lunji ilya Maka, alwisa na mapufi ya mwiyulu.”

Malko 1:10

Nga liyo kwene, lino alufuma um-maasi, alola iyulu lyalepuka, nu Mweeso alumwikila panali wa nkuunda.

Mateo 3:16

Nawe Yesu pano wabatiisiiwa, liyo kweene wapita ukufuma um-maasi; nga lola, iyulu lyayulika, walola Mweso wi Leesa ulwika wa nkuunda ulwiisa pali wenewe.

Milimo 10:11

Alola iyulu lyayulika, ni chivya chilwika wa mwenda unkulu, ulwikisiliwa uku masempele yaakwe yani fika na pansi.

Luka 3:21

Walangi pano antu yoshi yabatishiwa, na Yesu kwene wabatishiwa, angi alupepa, iyulu lyayulika,

Mateo 4:11

Apano Chiwa wanshiile; nga lola, yiisa yamalaika yamwombela.

Uswelulo 19:11

Apano nalola umwiyulu muyuzilwe, nga lolini, falasi ntiswe, na wino aikowile, yatangi uWakutailwa nu Wachumi. Wene uku chumi aluputula imilandu nu kulwa isumo uku chumi.

Uswelulo 4:1

Apa chisila cha yintu fiyo nalolekesya, nalola unnyango uwuyulika imwiyulu; niswi liyo ilya ntangulo, lino napulike, wiswi lyi penga, liluvwanga nene, liti: “Kwele uwize ku, nene nankulanga ifintu fino viluwako apa chisila cha ifintu fiyo.”

2 Tesalonike 1:7

Nu kumulipa mwemwe yano muluchula, ukupusa ponga neswe, pano wacha waloleka uMwene Yesu ukufuma umwiyulu, ponga na yamalaika ya maka yaakwe,

Luka 2:9

Malaika wa Mwene waya suwa nukulu wa Mwene wayayengesela koshi koshi, ingofi shiyalema nkani.

Aeblania 1:14

Chene! yao yoshi asi myeso ya kuombela, nu kutumwa ukuyazwa yalye yano yalupyana ufyusi?

1 Timoteo 3:16

Kusi kutentenganya, inkama ya chopo-kuli-Leesa inkulu: walolike um-mwata wa ntu, wamanyika fino uwa chumi um-Mweso, waloleka na yamalaika, wasundwa unjantu akulukuwa, wazumilwa kuno ukunzi, wasendwa umwiyulu um-utensyo.

Yoane 10:1

“Umwenemo, umwenemo, ndumunena, wino atalwingila apa nnyango un-chipa cha nfwele, leelo alwingilila apa nina, wiyo umwifi na kaili ikapoka-fya-antu.

Luka 22:69

Leelo ukufuma li kwene, uMwana-ntu aluwa tensi ulusansa lwikasa lilunji li Leesa uwa maka.”

Mateo 25:31

“Pano wacha wiisa Mwaana-ntu um-ukulu waakwe, na yamalaika yooshi poonga nawe, apano alwikala apa chisumbicha-ukulu waakwe.

Yuda 1:14

Ifintu vi walawisha Enoki, wino wali untu wa saba ukufuma Adamu, ati; ‘Lolini, uMwene alwisa ponga naswepe yaakwe amaelfu na maelfu.

2 Tesalonike 1:9

Yano yalulambulwa uononi wa manda ti, ukutana nusyu wa Mwene nukulu wa maka yaakwe,

Yoane 14:12

Umwenemo, umwenemo, ndumunena: wino wansumila nene, imilimo yino nduomba nene, nawe kwene wanjiomba, endita, ni mikulu ukuluta yi aluomba, kuno nemwi naya kuli Tata.

Yoane 6:47

Umwenemo, umwenemo, ndumunena: Wino ansumile ali nupuma wa manda ti.

Luka 24:4

Walangi pano yalusamalila ichintu chi, lolini, antu yaili yimilile pipi nayo, yaswite imyenda ilumesa-mesa.

Mateo 26:24

Umwana-ntu wapita ndi fino waandikilwe, leelo akalaanda kaakwe untu wiyo wino wanfiima uMwaana-ntu. Yaliwe inkata yaakwe untu wiyo, ndi ataali afyalwe.”

Yoane 21:18

Umwenemo, umwenemo, ndukunena: Pano wali unnumendo, waunyepanga wenkola nukuya kuno ukasime, leelo pano wacha wawa nkombo, ulukatusya makasa yako, nunji alukunyepa nu kukusenda kuno utakasime.”

Yoane 8:51

Umwenemo, umwenemo, ndumunena: untu ndi walema iswi lyane, atalulola ifwa manda ti.”

Yoane 6:32

Yesu wayanena, waati: “Umwenemo, umwenemo, ndumunena: asi Mose wino wamupile ichulya chichi icha mwiyulu, leelo Tata wane uwino alumupa mwemwe ichulya cha ningo, chino chifumile umwiyulu.

Yoane 3:5

Yesu wannena, waati: “Umwenemo, umwenemo ndukunena: untu ndi atafilwe uku mashi nu ku Mweso, atangi awingile um-wene-wi-Leesa.

Yoane 16:20

Umwenemo, umwenemo, ndumunena: umwemwe mululila nu kulosya, leelo aya kunsi yaluchimba; umwemwe mululola malanda, leelo amalanda yino yalusenuka yawe ukuchimba.

Yoane 13:16

Umwenemo, umwenemo, ndumunene: Umuofi atangi alute umwene wakwe, nanti katumwa atangi alute wino amtumile.

Yoane 10:7

Nga Yesu wayanenile kaili, waati. “Umwenemo, umwenemo, ndumunena: nene ndi unnyango wa nfwele.

Yoane 6:53

Nga Yesu wayanena, waati: “Umwenemo, umwenemo, ndumunena: ngi mutalile umwili wa Mwana-ntu nu kunwa uwazi wakwe, mushi nu upuma mukashi yino.

Yoane 5:27

Nawe wampa amaka ya kuputula imilandu, kuno uMwana-ntu.

Yoane 5:19

Nga Yesu wayanena, waati: “Umwenemo, umwenemo, ndumunena: uMwana atangi achite chimwi wenga, siku chino alulola Isi aluchita, kuno wiyo fino aluchita, ifino nu Mwana kwene aluchita.

Yoane 3:3

Yesu wannena, waati: “Umwenemo, umwenemo, ndukunena: untu ndi atafilwe amaila yaili, atangi alole uwene-wi-Leesa.”

Mateo 9:6

Leelo kuti mumanye fino uMwaana-ntu ali na maaka kuno ukuushi aya kweleela amaifyo, aneena uwi tenda, ati: Katuka uutwiike ichitala chaako, upite uku ng'anda ukwaako.”

Mateo 8:20

Yesu annena, ati: “Yankusa yali na machele, ni fyuuni fya mwiyulu fili ni fisaanzo, leelo Mwana-ntu atakwiite naanti apa kusamila untwe waakwe.”

Yoane 16:23

Na kaili uwanda uo mutaluntondosha chimwi. Umwenemo, umwenemo, ndumunena Ngi mwalomba Tata chimwi, alumupa ukwisina lyane.

Yoane 13:38

Yesu wannena, waati: “Chene! Wewe wanfima upuma wako pali nene? Umwenemo umwenemo, ndukunena: Nkolwe asulamula kufika lino wewe wankana amaila yatatu.

Yoane 8:58

Yesu wayanena, waati: “Umwenemo, umwenemo, ndumunena: Ablahamu wiyo achili aloleke, nemwi angi ndiko.”

Yoane 8:34

Yesu wayanena, waati: “Umwenemo, umwenemo, ndumunena: untu wino aluchita amaifyo, uusha wa maifyo.

Yoane 6:26

Yesu wayanena, waati: “Umwenemo, umwenemo, ndumunena: umwemwe mulunsita asi kuno mwawine ichipesha-mano, leelo ukuno mwalile imikate mwikuta.

Yoane 1:50

Yesu wannena, waati: “Kuno nakunena, nati: Nali nkuwine umwisika ya nsanfu, wasumila? Ululola ifintu ifikulu ukuluta efi.”