Yakobo 5:11 - UPANGANO UPYA

¹¹ Lolini tuluti inkata yao yano yapembelanga. Mwapulika ukusimpatizya kwi Yobu, mwalola umalililo wa Mwene, fino Mwene wavula inkumbu nu kukumbukila.

Yakobo 5:11 Referans Kwoze

Yakobo 1:12

Inkata yaakwe untu wino aluzyansya um-mazosyo, kuno ngi wapota aluipokelela inkata ya upuma, yino Mwene walainye yano yamkunda.

Mateo 10:22

Neemwe mulutuwiwa na aantu yooshi umwishiina lyane; leelo wino waacha wateeka umweeso nu kulemasya kufika ni chisila, uwino alufyuuka.

2 Petlo 2:9

Ichino uMwene wamanya ukufyusha ummasosho yano yamchindika, nu kuwika asi-ya-chumi ummalipisi fika nu wanda wa uputusi wa milandu.

1 Petlo 1:13

Ichino mswale sileme um-myeso ino, mutekane nu kutaila ningo nkumbu sino mululetelwa uku kusweluka kwi Yesu Klisto.

Luka 6:36

“Ichino muwe ni kumbukila, ndi fino Tata wino ali ni kumbukila.

Aeblania 10:39

Leelo swemwi tusimo muli yano yalusunsuluka nu kulowa, leelo tulimo muli yao, yano yali nusumilo wa kufyusha imyeso.

Aeblania 3:14

Kuno twati tuminkana na Klisto, ndi twalemasha uku maka intangulo ya utailo witu, fika ni chisila.

Aefeso 2:4

Leelo Leesa wino ali ni nkumbu tupu, uku lukundo lwakwe ulukulu, luno watukunda,

Aeblania 3:6

Leelo Klisto, wa mwana, apa ng'anda yaakwe. Ni ng'anda yaakwe isweswe, ngi twalema nkani uposye nu kulu wa utailo witu, fika ni chisila.

Aefeso 1:6

Utensiwe ukulu wa nkumbu zyaakwe, sino watukumbukila muli wiyo Unkundikwa.

Aloma 2:4

Nanti ukusula uvuzu wa utontesye waakwe nu kuzizimizya kwakwe ni chelelezi chakwe, uta-manya fino utonte wi Leesa ungakutwala un-nzila ya kuvipela?

Luka 1:50

Nu kukumbukila kwakwe kulipo uku mipanda ni mipanda, kuli yano yanchindika.

Yakobo 1:2

Yachane, welengulini fino ukuchimba kutupu, ngi mwaponela um-masosho tuputupu.

1 Petlo 3:14

Leelo ngi muluchula uku nnandu wa chumi, inkata ino. Mutachopa ukofya kwao, nanti ukusima.

Luka 11:10

Kuno wino alulomba akulupokelela, na wino alushita achisana, na wino alukong'onsha, ayulilwa.