Yakobo 4:1 - UPANGANO UPYA

¹ Isumo lilufuma kwi, nukulwa kwino kulufuma kwi? Asi mu kwene un-kukumbuka kwino kuno kuluchita isumo um-fyai fino?

Yakobo 4:1 Referans Kwoze

1 Petlo 2:11

Yakunde, ndumusokesha wa aeni na yapita-nsila, muleuke itama-sha-mwili sino shilupashanya nu mweso.

Agalatia 5:17

Kuno mwili uku kumbuka ukupotana nu Mweso, nu Mweso upotane nu mwili; fiyo vikulupazyanya; ichino mutangi muombe chimwi chino mukasime mwe yakola.

Aloma 7:23

leelo um-vyai vyane ndulola intambi inina, ilulwa isumo ni ntambi ya mano yane, nu kumposya ku ntambi ya maifyo ino ili um-vyai vyane.

Aloma 8:7

Kuno ukwelengula kwa mwili usiluembu kuli Leesa; kuno kutalu-chindika intambi yi Leesa; nanti kutangachindika.

Yakobo 1:14

Leelo ntu wensi akulwingila um-mazosyo uku kulondelela itama nu kukumbuka kwakwe unkola.

1 Petlo 1:14

Wa yana ya nchinsi, mutalondelela ukukumbuka kwino ukwa ntangulo, ukwa kuntamanya kwino,

Akolosai 3:5

Ichino umolini ivyai fino, fino vili un-nsi: upundu, utakati, ukukumbuka iviipe, amelenguzi maipe ni nyengwa ichili chonga nu kupepa imyao.

2 Petlo 3:3

Mutangule ukumanya iswi li, fino uku manda ya mpejelekesho yalwisa antu ya misowe aya kusoweka, yano yalulondela tama shao akola.

Yakobo 4:3

Nanti mwalomba mutangi mupiwe, kuno mululomba chino chitaile, kuti muviombele un-kukumbuka kwino.

2 Petlo 2:18

Kuno yakuluvwanga amaswi ya chiwele-wele aya chilumba, yakulusosha antu un-tama sha mwili nu ku unyamfi, antu yano yachitampa ukuituka yano yali un-kulowa kwao.

Tito 3:3

Kuno kali neswe kwene tutali na mano, twali yatanduke, twazosiwa nu kuombela itama ni nyengwa tupu, nu kwikala um-viipe nuzuwa, twatuwananga.

Tito 3:9

Leelo uleuke ukutondosya kwa sile sile, ni fintu fya kali, nu kulemanila, nu kupazyanyizya intambi. Kuno visi ni chakulola mwenemo, na kaili ivya uwele-wele.

Aloma 7:5

Kuno pano twali um-miele ya mwili, tama zya maifyo shali na maka uku nnandu wa Ntambi, shaombanga imilimo um-fyai fitu, apalinji twa-fyalila infwa vizao.

Mateo 15:19

Kuno um-mweeso mukulufuma amelengushi amayiipe, uumoshi, ifya upuundu, umalaya, iwifi, ukufwaanga ufi ni misalula.

Yoane 8:44

Mwemwe yana yi Shetani, ni tama yi so wino isino mwakasama ukuchita. Wino wali umumosi fuma intangulo, atimilile icha chumi, kuno musi chumi um-nkola. Pano alufwanga intumpu, akuluufwangila apa lwakwe, kuno wene uwa ufi, ali isi wa ufi.

2 Timoteo 2:23

Leelo ukutondosya kuno kusi kwa mano ukukane, angi umanyile fino kukuleta ulwete.