Yakobo 2:8 - UPANGANO UPYA

⁸ Leelo ngi mwalilondela isunde lya wene ndi fino lyandikwe, ukuti: “Ukunde unnyonko ndi fino waikunda wenkola,” muluchita ichashipa.

Yakobo 2:8 Referans Kwoze

Agalatia 5:14

Kuno iNtambi yoshi yafikilila umwiswi lyonga, nalyo ili: Ukunde uwachako, ndi fino waukunda.

Yakobo 2:12

Fwaangi mwemwe nu kuchita wa antu, yano yaluyangulwa uku masunde ya ukauwela.

Mateo 22:39

Ni cha uwili chikoline nacho, nacho iichi: Ukuunde unnyoonko ndi fino wawukuunda wenkola.

Agalatia 6:2

Musendelane ivisendo, na fiyo mukufikilizya iNtambi yi Klisto.

1 Petlo 2:9

Leelo mwemwi mwe luko lusolole, ukapela wa wene, antu yaswepe, antu ya wene wi Leesa; kuti mume imbila ya milimo ikulu yaakwe, wino wamwisile kuti mufume un-chanda, mukingile um-mwengelela waakwe uwa kusunguka.

Yakobo 1:25

Leelo wino walolekesya masunde ya kapanga aya kuuwela nu kwikala mwenemo, atachiwa ikapulika wa kulatila, leelo umuofi wa nnimo, wene wamwa ninkata un-kuomba kwakwe.

1 Tesalonike 4:9

Uku lukundo lwachitu nanti ntamwandikile, kuno mwalangililwa mwe yakola na Leesa ukukundana.

Afilipi 4:14

Leelo mwachisile ningo, pano muminkine nene um-machulo yane.

Mateo 25:23

uMweene waakwe wannena, waati: ‘Wachita niingo, umuofi nsiipe nu wa kutailwa; wali wa kutailwa ku ifiintu fiche, nankuwika apa fifusu; wingila un-kuchimba kwa mweene waako.’

Yakobo 2:19

Wemwi uzumile fino Leesa ali wenga? Wachita ningo; ni viwa navyo kwene vizumile leelo nu kutetema.

Mateo 25:21

uMweene waakwe wanneena, waati: ‘Wachita niingo, umuofi nsiipe nu wa kutailwa. Wali wa kutailwa ku ifiintu fiche; nankuwiika apa fifusu; wingila un-kuchimba kwa mweene wako.’

Mateo 7:12

Ichino fiyo fyooshi fino mulushita muchitilwe na aantu, neemwe muyachitile fiyo kweene; kuno fiyo ali Tolati na malau.

Aloma 13:10

Ulukundo lutakuchitila unji iviipe; ichino ulukundo lukulufikilizya iNtambi.

Yakobo 4:11

Yachane, mutachi tumpwilana; kuno wino alutumpwila nanti ukuputwila unnina, aluifikisya Masunde nu kuputwila Masunde. Leelo nguluputwila masunde, angi utalemile Masunde, leelo wemputuzi wakwe.