Yakobo 1:25 - UPANGANO UPYA

²⁵ Leelo wino walolekesya masunde ya kapanga aya kuuwela nu kwikala mwenemo, atachiwa ikapulika wa kulatila, leelo umuofi wa nnimo, wene wamwa ninkata un-kuomba kwakwe.

Yakobo 1:25 Referans Kwoze

Luka 11:28

Leelo wene ati: “Yali ni nkata nu kuluta, yano yalupulika iswi lyi Leesa nu kulilema.”

Yoane 13:17

Ngi mwamanya ifintu fi, muli ni nkata ngi mwafiomba.

1 Petlo 2:16

Muwe wi yakauwele, ngasi yano yaluombela ukauwele uku kufisa uipe, leelo wa aomfi yi Leesa.

Yakobo 2:12

Fwaangi mwemwe nu kuchita wa antu, yano yaluyangulwa uku masunde ya ukauwela.

Agalatia 5:1

Klisto watukulwile tuwe yakauwele. Ichino wimililini mutachi uutela kaili un-nkonkoli ya uzya.

1 Kolinto 15:58

Ichino yachane, muzyansye, mutachitelengana, mulusye nkani ukuomba imilimo ya Mwene manda yoshi, kuno mumanyile fino milimo ino isi ya chaka umu Mwene.

1 Timoteo 4:16

Yisunge umweso wako, na masambilizyo yako; uwikalisye um-ifintu fiyo. Kuno ukuchita fiyo wanjifyusya umweso wako na yano yalukupulika kwene.

2 Kolinto 13:5

Muwezye mwe yakola ngi muli um-usumilo, muulinge mwe yakola. Nanti mutaumanyile mwe yakola, fino Yesu Klisto ali muno muli? Ngi mutamanyile angi mwakanika.

Aloma 11:22

Ichino lola ukutonta nu kukalipa kwi Leesa: Ukali uli kuli yalye yano yaponile, leelo kuli wewe ukutonta kwi Leesa, ndi wikala um-utonsu; ndi chisi fiyo, newe kwene uluputulwa.

Aloma 8:15

Kuno mutapokelile umweso-wa-usha, uno uku-leta kaili ngofi; leelo mwapokelile uMweso wa kuchitwa ana, kuli weneo tulwita: Aba, kuli kuti: Tata.

Agalatia 2:4

Nanti fino uku nnandu wa achitu wa achitu aya ufi, yano yingile ufisa, yano yingila uku uchenjezu, ukuti yanengule ukauwela witu, uno tuli nao muli Klisto Yesu, ukuti yatutele um-uzya.

Yoane 8:36

Ichino Mwana ndi wankulula, mwamwa yakauwele ya ningo.

Uswelulo 14:13

Napulika iswi ukufuma umwiyulu, liluti: “Wandika, uti: Inkata yao afwi yano yalufwa um-Mwene fuma kasalaka. Kuno Mweso aluti: ‘Yakapuze pano machulo yao yasila, kuno imilimo yao iyalondile.’ ”

1 Timoteo 2:15

Leelo alufyukila ukwikwata lyaakwe, ndi wikalisya um-usumilo nu lukundo nu kuswefiwa, ponga nu kuteka mweso.

Aloma 7:12

Ichino Ntambi inswefu, nisunde liyo iswefu ni lya chumi na lyazipa.

Milimo 26:22

Ichino fino naswilisiwa na Leesa, ngimilile fika ni leelo li, ndwimikila uku anono na ikolo kwene, nga ntalulanda chimwi, siku chino amalau na Mose yafwansile, fino chilwisa.

Milimo 13:43

Nga pano yano yali un-ng'anda yi Leesa yasansantika, aYudea na alondeshi yao, yano yachindika Leesa, yalondekana na Paulo na Balanaba, yano pano yavwanga nayo, yayachinchizya, kuti yalande un-nkumbu zyi Leesa.

Aeblania 12:15

Mulole nkani untu ataulilwa inkumbu shi Leesa, isinda lya ukali litize limele nu kumuchusha, na antu tupuyalyikile kuli lyenelyo.

Milimo 2:42

Nga yikala nu kulemasya masambilizyo ya mitume numweeso onga, nu kukunyola unkate, nu kupepa.

Uswelulo 22:14

Inkata yao yano yalufula imyenda yao, yawe nu utumo wa kulya ivisêke vya ichiti icha upuma, nu kwingila un-nzi um-milyango yaakwe.

1 Yoane 2:24

Ichino mwemwi, liyo lino mwapulika fuma intangulo likale muno muli. Ngi lino mwapulike fuma intangulo likale muno muli, nemwe kwene mukwikala nu Mwana na muli Tata kwene.

Akolosai 1:23

Angi mukônkile usumilo angi muwisilwe pa chiimbili, nu kwimilila, ngi mutasenwilwe nu kuta utailo wiswi-zipe lino mwapulika, lino lyasundwa uku vilengwa vyonsi, fino vili kuno ukunzi, lino nene Paulo nawa umuofi.

Aloma 2:13

Kuno asi yalye yano yakupulika Ntambi, ali aya chumi apa maaso yi Leesa; leelo yalye yano yalemile Ntambi, ayano yalwalilwa ichumi.

Aloma 8:2

Kuno intambi ya Mweso wa upuma uno uli muli Klisto Yesu, yankulula uku ntambi ya maifyo ni nfwa.

Agalatia 6:2

Musendelane ivisendo, na fiyo mukufikilizya iNtambi yi Klisto.