Yakobo 1:18 - UPANGANO UPYA

¹⁸ Uku kukunda kwakwe unkola watuvile sweswe ukwiswi lya chumi, kuti tuwe ya ntomolo ya vilengwa vyaakwe.

Yakobo 1:18 Referans Kwoze

1 Petlo 1:23

Kuno mwafyalwa ilya uwili, kusi uku mbesu ino iluola, leelo ino itakuola, ukwiswi li Leesa ilya upuma ilya manda yoshi.

Yoane 1:13

Yano yatafilwe uku wasi, nanti uku kukasama kwa mwili, nanti uku kukasama kwa antu, leelo kwi Leesa.

1 Petlo 1:3

Atensiwe Leesa, Tata wa Mwene witu Yesu Klisto, wino uku nkumbu shaakwe tupu, watufile ilya uwili, ukuti tuwe nutailo wa upuma, uku kututuluka kwi Yesu Klisto uku yafwi,

Uswelulo 14:4

Ali yano yatachili yemane na yanachi, kuno yali wa yalumendo. Antu ya ayano yalulondela Mwana-nfwele konsi kuno aluya. Wene yakalwa unjantu, yawe antomolo kuli Leesa nu ku Mwana-nfwele.

Aefeso 1:12

Neswe tuwe utensyo wa ukulu wakwe, sweswe yano twatangula ukuwikila Klisto utailo witu.

1 Yoane 3:9

Wesi wino wavyalwa na Leesa asuchita maifyo; kuno imbesu yaakwe ili muli wenewe; nga atangi achite ifyo, kuno wafyalwa na Leesa.

Aeblania 12:23

Ikongani ikulu lya luzango lya yana yiyele, yano yaandikwa umwiyulu, na Leesa Mputusi wa antu yoshi, ni myeso ya antu ya chumi yano yafikilila,

Yakobo 1:21

Ichino sumbilini ukutali unyamvi nuipe wonsi, nu kupokelela uku utonsu iswi lilye, lino lyapezilwe muno muli, lino lingafyusya imyenzo ino.

1 Kolinto 4:15

Kuno nati mungawa na yakasambilisha ielfu ikumi muli Klisto, leelo mutakwite yaso tupu. Kuno nene namuvile muli Klisto Yesu uku nzila yiswi-zipe.

Aloma 4:17

Ndi fino chaandikwe: “Nakuwika kuti uwe isi wa antu ingi a nsi,” apa maaso yi Leesa wiyo, wino wazumila, wino akulututulula afwi, akulwita fino visiko navyo viwako.

2 Kolinto 6:7

Nu kukusunda kwa chumi nu um-maka yi Leesa; nu ku fyanzo fya chumi mwikasa lya kwi lunji nu mwikasa li kamani.

Aefeso 1:13

Nemwe kwene muli Wenewe, mwati mulipulika iswi lya chumi, iswi-zipe ilya ufyusi wino; na kaili mwati mumzumila Wenewe, nu kutelwa akamanyililo ki Mweso Nswefu wilye uwa ulanyo.

2 Timoteo 2:15

Kalambana uku ulanga fino wazumilwa na Leesa, umuofi asi na chimwi icha kukulwa untwe, kuno wayanya ningo iswi lya chumi.

Yakobo 1:15

Nga apano itama isenda inda, ifyala iifyo, niifyo liyo pano lyakula, likulufyala infwa.

Yakobo 3:14

Leelo ngi mwawa nuzuwa nu lupaka ummyenzo ino, mutachiutensya, nanti ukuvwanga ufi apa chumi.