Uswelulo 4:8 - UPANGANO UPYA

⁸ Na yao aya upuma yani, chila wenga wali na mapa sita, ni neansa zyonsi nunkasi yazyusile amanso, nga yatakupuza unsanya nusiku, angi yaluti: “Nswepe, Nswepe, Nswepe, uMwene Leesa wa Maka-yonsi, wino walipo na wino alipo, na wino alwiza.”

Uswelulo 4:8 Referans Kwoze

Uswelulo 1:8

“Nene Alfa na Omega, intangulo nu kumalila,” afwasile Mwene Leesa, wino alipo na wino walipo na wino alwisa, uWa-maka-yonsi.

Uswelulo 4:6

Inkolelo ya chisumbi chiyo cha ukulu kwali chimwi chikoline na yemba wa chilole, kunti bilauli. Apakasi ya chisumbi chilye na ku lila kwene yalipo aya upuma yani, yazyula amaso inkolelo ni chisila.

Aeblania 13:8

Yesu Klisto uwiwi kwene iyulu ni leelo na manda ti.

Uswelulo 15:3

Angi yalulunda umwimbo wi Mose umuofi wi Leesa, nu mwimbo wa Mwana-nfwele, angi yaluti: “Imilimo yako imikulu ni ya kuzunguka, we Mwene Leesa wa Maka-yonsi; inzila zyako zyololoka na kaili izya chumi, we Mwene wa nko!

Uswelulo 11:17

Angi yaluti: “Tulukusamalizya Mwene Leesa uWa-maka, we wino uliko na waliko, kuno watola uposi wako ukulu nu kulâsa.

Uswelulo 16:7

Nga napulika ialtale, iluti: “Endita, Mwene Leesa wa Maka-yonsi, uputuzi wako uwa chumi nu wa mpomvu.”

Uswelulo 7:15

Ichino yali apa chisumbicha-ukulu ichi Leesa, nayo yalumombela unsanya nusiku un-ng'anda yaakwe inkulu; na wino atenzi apa chisumbi-cha-ukulu alukonzolola ihema lyaakwe pali yeneyo.

Uswelulo 21:22

Nene ntawine ng'anda-nkulu-iyi-Leesa mwenemo; kuno uMwene Leesa uwa Maka-yonsi nu Mwana-nfwele, alu ng'anda-nkulu yaakwe.

Uswelulo 19:15

Ni mpanga inkali ilufuma un-nnomo wakwe, ukuti akome akulukuwa kuli yeneyo. Nawe unkola aluyachema uku ntuwa ya chela Nawe alyaatilile ichilina cha kukamila mizabibu ya chilakali cha ukali wi Leesa Wa-maka.

Uswelulo 3:7

“Na kuli malaika wikongani lya ku Filadelfia andika, uti: Wiwi uNswepe, uWa-Chumi, wino ali nu luchinji lwi Daudi, wino ngi wayula kusi angayala, nawe ngi wayala, kusi angayula, wavwanga ifintu vi, waati:

Uswelulo 1:4

Yoane uku makongani saba yano yali uku Asia: Inkumbu siwe nemwe nu welesho, fino fifumile kuli wino alipo na wino walipo na wino alwisa: na fino vifumile uku myeso saba ino ili apa nkolelo ya chisumbi-cha-ukulu.

Uswelulo 4:4

Ni visumbi amakumi yaili na vini vilizizye ichisumbi chilye icha ukulu, na pa visumbi vilye nawine akombe amakumi yaili na yani, yatenzi yazwite imyenda imitiswe, na pa mitwe yao yali ni nkata zya zaabu.

2 Kolinto 6:18

Nduwa so wino, nemwe muluwa yanane aya chonsi na ya chanachi. Ifino afwasile uMwene wa Maka-Yonsi.”

Uswelulo 16:14

Iyo ili myenzo ya mashetani, ikuluchita ivilangizyo, ilufuma nu kuila yene ya nsi yoshi, nu kuyakonganika ukwisumo lya wanda ulye ukulu wi Leesa wa Maka-yonsi.

Uswelulo 14:11

Ni lyunsi lya kuwaika kwao lilukwela uniwiyulu manda ti na ti. Yasi nupuzilo usiku nu nsanya, yao yano yalufukamila inkala iyo ni chilui chakwe, na wensi wino wapokelela akamanyililo kizina lyaakwe.”

2 Timoteo 4:2

sunda iswi pano paile na pano pataile kwene, katukila nu kukalipila, nu kusunda uku chelelezi chonsi na masambilizyo.

1 Timoteo 4:16

Yisunge umweso wako, na masambilizyo yako; uwikalisye um-ifintu fiyo. Kuno ukuchita fiyo wanjifyusya umweso wako na yano yalukupulika kwene.

1 Tesalonike 2:9

Kuno yachitu, mumanyile amachulo nu kusamala kwitu; kuno usiku nu nsanya twaomba imilimo, kuti tutilikila umwi, tumusunde iswi lyi Leesa.

Milimo 20:31

Ichino mutachilala, welengulini fino imyaka itatu usiku nu nsanya, ntatile ukusokezya chila ntu uku monsozi.

Uswelulo 4:9

Na yao aya upuma pano yalumpa ukulu nu nchinzi ni nsamalizyo, wiwi wino atenzi apa chisumbi-cha-ukulu, wino ali nupuma manda ti na ti,

Uswelulo 5:6

Nalola apakasi ya chisumbi chilye icha ukulu na yalye aupuma yani na pakasi ya yakombe yalye, umwana-nfwele awimilile, wali kuti atafyulwa, uwa mpembe saba na maaso saba. Nazyo ali Myenzo saba iyi Leesa yino yatumilwe un-nsi yoshi.

Uswelulo 6:1

Apano nalola uMwana-nfwele alusapula akamanyililo konga pali tulye saba, napulika kuli wenga pali yalye aya upuma yani aluvwanga ukwiswi wa nnunkumo: “Nguna!”

Uswelulo 6:6

Napulika kunti wiswi apakasi yi yao aya upuma yani, angi liluti: “Intowa ya usu wa ngano uku lupia, ni ntowa zitatu zya makonde uku lupia, nga utachonona mafuta nanti amasi ya mizabibu.”

Uswelulo 7:11

Na, yamalaika yoshi yalile iyimilila iyalizya konsi apa chisumbi chiyo icha ukulu, nakombe yao, na ya upuma yani, yapona yafupime apa nkolelo ya chisumbi-cha-ukulu, yafukamila Leesa.

Uswelulo 14:3

nu kulunda mwimbo upya apa chisumbi-cha-ukulu na pali yalye yani ya upuma, na kombe yalye; nga kutali umwi angausambilila mwimbo uo, siku yalye mwanda onga na makumi yani na yani ielfu, yano yakazilwe un-nsi.

Uswelulo 15:7

Nga wenga pali yalye aya upuma yani, apa yamalaika yalye saba ingeso saba zya zaabu, angi zizyuzile ukali wi Leesa uwa upuma manda ti na ti.

Uswelulo 19:4

Nga akombe yalye amakumi yaili na yani, na yalye aya upuma yani, yafukamila nu kupepa Leesa, wino atenzi apa chisumbi-cha-ukulu, yaati: “Amina, Aleluya!”