Uswelulo 4:6 - UPANGANO UPYA

⁶ Inkolelo ya chisumbi chiyo cha ukulu kwali chimwi chikoline na yemba wa chilole, kunti bilauli. Apakasi ya chisumbi chilye na ku lila kwene yalipo aya upuma yani, yazyula amaso inkolelo ni chisila.

Uswelulo 4:6 Referans Kwoze

Uswelulo 15:2

Nga nasya nalola chimwi chikoline na yemba wa chilole auminkine nu moto, na yalye yano yaposile yafuma uku nkala ilye nu ku chilui chakwe, nu ku kuminkana kwizina lyaakwe, yalile iyimilila umbali mbali yi yemba wiyo uwa chilole, angi yali ni ndona zyi Leesa.

Uswelulo 5:6

Nalola apakasi ya chisumbi chilye icha ukulu na yalye aupuma yani na pakasi ya yakombe yalye, umwana-nfwele awimilile, wali kuti atafyulwa, uwa mpembe saba na maaso saba. Nazyo ali Myenzo saba iyi Leesa yino yatumilwe un-nsi yoshi.

Uswelulo 14:3

nu kulunda mwimbo upya apa chisumbi-cha-ukulu na pali yalye yani ya upuma, na kombe yalye; nga kutali umwi angausambilila mwimbo uo, siku yalye mwanda onga na makumi yani na yani ielfu, yano yakazilwe un-nsi.

Uswelulo 19:4

Nga akombe yalye amakumi yaili na yani, na yalye aya upuma yani, yafukamila nu kupepa Leesa, wino atenzi apa chisumbi-cha-ukulu, yaati: “Amina, Aleluya!”

Uswelulo 5:14

Na yalye aya upuma yani yaati: “Chiwe fiyo kwene!” Na yalye akombe yapona yafupime yamfukamila.

Uswelulo 7:11

Na, yamalaika yoshi yalile iyimilila iyalizya konsi apa chisumbi chiyo icha ukulu, nakombe yao, na ya upuma yani, yapona yafupime apa nkolelo ya chisumbi-cha-ukulu, yafukamila Leesa.

Uswelulo 22:1

Apano wasya wandanga uluzi lwa manzi ya upuma, luno lulumesa kunti bilauli, lwafuma un-chisumbicha-ukulu ichi Leesa, ni cha Mwana-nfwele.

Uswelulo 21:11

uwa utensyo wi Leesa, nu mwengelela waakwe wakolenkine nifinga lya mpia tupu, wifinga lya almasi, unswepe kunti bilauli.

Uswelulo 15:7

Nga wenga pali yalye aya upuma yani, apa yamalaika yalye saba ingeso saba zya zaabu, angi zizyuzile ukali wi Leesa uwa upuma manda ti na ti.

Uswelulo 21:21

Ni milyango ilye ikumi na iili yali i lulu ikumi na ziili; chila unnyango wali ilulu yonga, ninzila ya nzi isaabu nswepe kunti chilole chino chengululwa nkani.

Uswelulo 21:18

Nunkulo wi linga lyaakwe wali uwa almasi. Nunzi uo wali uwa zaabu nswepe ukolenkine ni chilole chiswepe.

Uswelulo 7:17

Kuno Mwana-nfwele wiyo, wino ali apakasi pa chisumbi-cha-ukulu, aluyachema, nawe aluyatungulwila kuli kafukoka wa manzi ya upuma; na Leesa aluyapyila amonsozi yoshi apa maaso yao.”

Uswelulo 4:4

Ni visumbi amakumi yaili na vini vilizizye ichisumbi chilye icha ukulu, na pa visumbi vilye nawine akombe amakumi yaili na yani, yatenzi yazwite imyenda imitiswe, na pa mitwe yao yali ni nkata zya zaabu.

Uswelulo 5:8

Nga pano watola ichitabu chilye, yao aya upuma yani na yalye akombe amakumi yaili na yani, yapona apa mulu ya mwana-nfwele. Chila wiyo pali yeneyo wali ni ndona ni ngeso zya zaabu, zino zizyuzile ubani: ali mapepo ya aswefiwa.

Uswelulo 5:11

Nga nalola, napulika amaswi yi yamalaika tupu, insansa zyonsi zya chisumbi chilye icha ukulu, ni lyi yalye aya upuma na yi yalye akombe; pali ponga yali maelfu ikumi amaila maelfu ikumi, ni elfu amaila ielfu,

Uswelulo 6:1

Apano nalola uMwana-nfwele alusapula akamanyililo konga pali tulye saba, napulika kuli wenga pali yalye aya upuma yani aluvwanga ukwiswi wa nnunkumo: “Nguna!”

Uswelulo 6:6

Napulika kunti wiswi apakasi yi yao aya upuma yani, angi liluti: “Intowa ya usu wa ngano uku lupia, ni ntowa zitatu zya makonde uku lupia, nga utachonona mafuta nanti amasi ya mizabibu.”