Uswelulo 3:1 - UPANGANO UPYA

¹ “Na kuli malaika wikongani lya ku Saldi andika, uti: Wino ali na ilye iMyenzo saba iyi Leesa ni ntanda zilye saba, wavwanga ifintu vi, waati: Manyile milimo yako, fino uli nizina lya kuwa nupuma, leelo wafwa.

Uswelulo 3:1 Referans Kwoze

1 Timoteo 5:6

Leelo, wino ataukôzile umweso wakwe, wafwa lupita nanti ifino umpuma.

Yakobo 2:26

Kuno ndi fino mwili ndi waula umweso, wafwa, ifino nusumilo kwene, ngi waula imilimo angi wafwa.

Uswelulo 1:4

Yoane uku makongani saba yano yali uku Asia: Inkumbu siwe nemwe nu welesho, fino fifumile kuli wino alipo na wino walipo na wino alwisa: na fino vifumile uku myeso saba ino ili apa nkolelo ya chisumbi-cha-ukulu.

Akolosai 2:13

Nemwe pano mwalile mwafwa uku nnandu wa maifyo yino, nu kuntachitwa ichibalu uku myili ino, wamuchisile muwa ponga nawe, pano watwelela amaifyo yoshi.

Yuda 1:12

Antu ya yali mala maipe um-fimulo fino ifya lukundo, pano yalulya ponga nemwe, angi yalulya nanti nchisi yali wa amapufi yano yasi na masi, nayo yalusendwa nusa; yali wa fiti fino fitakuseka pa makati yaakwe; fino fyafwilikanya nu kukumpulwa.

Uswelulo 2:19

Manyile imilimo yako, nu lukundo, nusumilo, nuomvi, nunte wako, na fino imilimo yako iya chisila yaluta iya ntangulo.

Luka 15:24

Kuno umwanane walile wafwa, nawe fwandi umpuma; walile walowa, leelo wataloleka.’ Nga yatampa ukuchimbila.

Uswelulo 1:16

Nawe wali ni ntanda saba ukwikasa lyaakwe ilya kwilunji, ni mpanga inkalipe konsi-konsi ilufuma un-nnomo wakwe; nusyu waakwe wali witasi, lino lilochelesa uku maka yaakwe.

Aefeso 2:5

lino twali yafwi uku nnandu wa ononi witu, watututulwile ponga na Klisto alikuti: mwafyusiwa uku nkumbu

Luka 15:32

Na kaili ukuchimba nu kuchina chisifile, kuno unnyonko wi walile wafwa, nawe fwandi umpuma, walile walowa, leelo wataloleka.’ ”

Aefeso 2:1

Nemwe kwene mwali yafwi uku nnandu wa ononi na maifyo ino.

Uswelulo 2:13

Manyile pano utesi ali pa chisumbi-cha-ukulu ichi Shetani; newe walemasha nkani isina lyane; utachili ukane usumilo wane, nanti pa manda yi Antipa, shuta wane wa kutailwa, wino wumosilwe pali mwemwe, pano Shetani atesi.

Uswelulo 1:20

Amelengwe ya ntanda saba, sino wawine umwikasa lyane lya kwilunji, na filye fimikilo fya nkosho saba ivya saabu: silye intanda saba ali ayamalaikaya makongani saba. Ni fimikilo saba, amakongani saba.

Uswelulo 4:5

Nu n-chisumbi chilye icha ukulu mulufuma inkozyo, na maswi nu nunkumo; na yatala saba aya moto yalwaka inkolelo ya chisumbi-cha-ukulu: ali Myenzo saba iyi Leesa.

Uswelulo 1:11

Angi liluti: Ifintu fino ululola, fyandike un-chitabu, uchitume uku makongani saba; uku Efeso, uku Similna, nu ku Pelgamo nu ku Tiatila nu ku Saldi nu ku Filadelfia nu ku Laodikea.

Yoane 1:33

Nene kwene ntammanyile, leelo wino wantumile ukuyubatisha uku masi, uwino wanenile, waati: Wino walola Mweso wamwikila, nu kwikala panali, wiyo uwino alubatisha uku Mweso Nswefu.

Yoane 1:16

Kuno uku winji wa nkumbu shaakwe, sweswe swensi twapokelile inkumbu apa nkumbu.

Uswelulo 5:6

Nalola apakasi ya chisumbi chilye icha ukulu na yalye aupuma yani na pakasi ya yakombe yalye, umwana-nfwele awimilile, wali kuti atafyulwa, uwa mpembe saba na maaso saba. Nazyo ali Myenzo saba iyi Leesa yino yatumilwe un-nsi yoshi.

1 Petlo 1:11

Yasita ngi li nanti amanda chi yano uMweso wi Klisto, uno wali muli yeneyo, wayasontelile nu kwimikila inkolelo amachulo yano yalusana Klisto, nukulu uno uluwako ichisila.

Milimo 2:33

Nga pano wakweziwa afika ukwikasa ilya kwilunji ili Leesa, nu kupokelela kuli Tata ulanyo ulye wa Mweso Nswefu, atîta ichintu chi, chino mululola nu kuchipulika.

Yoane 20:22

Nga pano wavwanga vi, ayaputila umpu, ati: “Pokelelini uMweeso Nswefu.

Yoane 3:34

Kuno wino watumilwe na Leesa, akululanda amaswi yi Leesa, kuno atakufumya uMweso uku kulinganya.

Uswelulo 2:9

Manyile amachulo nupina wako—lelo we nsavi—imanyile intusi shao, yano yaluti: Swe aYudea; nayo yasi yeneyo, leelo ikongani li Shetani.

Uswelulo 2:2

Manyile milimo yako na machulo yako, nu kushasha kwako, na fino utangutekelele antu yaipe, na kaili wesishe yalye yano yaluti: swe mitume leelo yasiyo; wasana fino aufi:

Uswelulo 3:2

Uwe wa kuuchesya, ukomye ifintu fino vyasyalila, fino vilusita ukufwa. Kuno ntawine imilimo yako fino yafikilila apa maaso yi Leesa wane.

Uswelulo 3:8

“Manyile imilimo yako: Lola nakupa unnyango uno wayulwa apa maaso yako, uno kusi angauyala; kuno uli na maka mache, newe wasunga iswi lyane, nga utachili Ukane izina lyane.

Uswelulo 3:15

‘Manyile imilimo yako, fino utazukile nanti ukulungula. Chali chiwe inkata ngu uzukile nanti ukulungula.