Uswelulo 22:3 - UPANGANO UPYA

³ Nga kutaluwa chimwi chino chatipwilwa kaili. Ni chisumbi-cha-ukulu ichi Leesa ni cha Mwana-nfwele chiluwamo. Naomvi yaakwe yalumwombelanga,

Uswelulo 22:3 Referans Kwoze

Mateo 25:21

uMweene waakwe wanneena, waati: ‘Wachita niingo, umuofi nsiipe nu wa kutailwa. Wali wa kutailwa ku ifiintu fiche; nankuwiika apa fifusu; wingila un-kuchimba kwa mweene wako.’

Yoane 12:26

Untu ngalumbombela, andondele; nene panondi, apano nu momfi wane angali. Na kaili untu ngi alumbombe la, Tata alumchindika.

Yoane 14:3

Nga ngi napita ukuyumuteyanyisisha apa kwikala, nduwela kaili ngise mutwale ukwane, ukuti panondi nene, angi nemwe mulipo.

Mateo 25:41

Apano aluneena na yalye yano yali ukwikasa lyaakwe ilya kuli kamani, aati: ‘Tinini panondi, yano mwatipwilwa, yangini um-mooto wa maanda ti, uno wawikilwa Chiwa na yamalaika yaakwe.

Yoane 17:24

“Tata, yao yano wampile, ndusita yawe ponga nene ponsi panondi, ukuti yalole ukulu wane uno wampa, kuno wankunda fuma inkolelo ya kulengwa kwansi.

Uswelulo 7:9

Apa chisila cha ifintu fiyo nafindamila, nalola iumba ikulu, lino pasi untu angalisolozya, antu ya misangano yoshi, ninko zyonsi, ni mipanda ni mivwango yimilile apa nkolelo ya chisumbi chilye cha ukulu, na pa nkolelo ya Mwana-nfwele, yazwite imyenda mitiswe, yali na makambalala ya mikoma um-makasa yao.

Uswelulo 7:10

Yalaizya ukwiswi kulu nkani, angi yaluti: “Ufyusi uli kuli Leesa witu wino atenzi pa chisumbi-cha-ukulu nu ku Mwana-nfwele!”

Yoane 13:32

Ngi Leesa nawe watensiwa muli wenewe, Leesa aluntensha munali umwisikikulu, nawe wamtensha liyo kwene.